ໃນເວລາປະມານ 1 ໂມງ 15 ນາທີ ຂອງວັນທີ 23 ມີນາ ໄດ້ເກີດເຫດໄຟໄໝ້ອາຄານສູງທີ່ເປັນຫ້ອງຢູ່ອາໄສ( ອາພາດເມນ) ໃນນະຄອນໂຮຈີ່ມິນຂອງສສ ຫວຽດນາມ ເຮັດໃຫ້ມີຜູ້ເສຍຊີວິດ 13 ຄົນ ແລະ ໄດ້ຮັບບາດເຈັບອີກຫຼາຍຄົນ.
ຕາມຂ່າວຕ່າງປະເທດລາຍງານວ່າ ເຈົ້າໜ້າທີ່ເປີດເຜີຍວ່າ ໄຟໄໝ້ທີ່ ຄາຣິນາ ພລາຊາ ເຊິ່ງເປັນອາຄານສູງ 20 ຊັ້ນ ທີ່ມີຄົນຫວຽດນາມອາໄສຢູ່ຫຼາຍກວ່າ 700 ຄອບຄົວ , ໄດ້ເກີດໄຟໄໝ້ຊັ້ນລຸ່ມຂອງອາຄານກ່ອນທີ່ຈະລຸກລາມໄປຍັງຊັ້ນເທິງ, ເຮັດໃຫ້ຜູ້ເຄາະຮ້າຍຫຼາຍສິບຄົນຂາດອາກາດຫາຍໃຈ ໃນຂະນະທີ່ພວກເຂົາພະຍາຍາມແລ່ນໜີໄຟໄປຍັງຊັ້ນສູງໆຂອງອາຄານ ເຈົ້າໜ້າທີ່ກ່າວວ່າ ພົບຜູ້ເສຍຊີວິດແລ້ວ 13 ຄົນ ແລະ ມີອີກຫຼາຍສິບຄົນທີ່ໄດ້ຮັບບາດເຈັບ ຂະນະນີ້ຍັງບໍ່ຮູ້ວ່າ ໄຟໄໝ້ຄັ້ງນີ້ ມີສາຍເຫດມາຈາກໄສ ເຈົ້າໜ້າທີ່ສາມາດມອດໄຟໄດ້ໃນຕອນເຊົ້າຂອງວັນທີ 23 ມີນາ.
ສຳລັບກຸ່ມອາຄານອາພາດເມນດັ່ງກ່າວ ປະກອບດ້ວຍຫຼາຍອາຄານ ທີ່ມີຄວາມສູງລະຫວ່າງ 15-22 ຊັ້ນ ສ້າງຂຶ້ນໃນ 6 ປີກ່ອນ ເຊິ່ງໄຟໄໝ້ຄັ້ງນີ້ ນັບວ່າຮຸນແຮງທີ່ສຸດນັບຕັ້ງແຕ່ປີ 2016 ທີ່ເກີດໄຟໄໝ້ທີ່ບາຄາຣາໂອເກະ ໃນນະຄອນຫຼວງຮ່າໂນ້ຍ ທີ່ເຮັດໃຫ້ມີຜູ້ເສຍຊີວິດ 13 ຄົນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment