ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນຂອງປະຊາຊົນກໍ່ຄື ເພີ່ມທາງເລືອກແກ່ນັກເດີນທາງທີ່ຈະໄປປາກເຊ ແລະແຂວງບໍ່ແກ້ວ ບໍລິສັດລາວເດີນອາກາດຈະເພີ່ມຖ້ຽວບິນຕື່ມ ແລະປັບເວລາບິນໃໝ່ໃຫ້ກັບສອງເສັ້ນບິນດັ່ງກ່າວນັບແຕ່ວັນທີ5 ມີນາ 2018 ນີ້ເປັນຕົ້ນໄປ.
ຕາມແຈ້ງການຂອງລັດວິສາຫະກິດລາວເດີນອາກາດ ລົງວັນທີ 1 ມີນາ 2018 ນີ້ໃຫ້ຮູ້ວ່າ: ຈາກນີ້ໄປຈະມີຍົນຂອງລາວເດີນອາກາດອອກຈາກສະໜາມບິນວັດໄຕໄປຍັງແຂວງບໍ່ແກ້ວທຸກໆວັນເວລາ 8:30 ນາທີ ແລະ 12:00 ໂມງສຳລັບວັນຈັນ, ພຸດ, ສຸກ. ສ່ວນຈາກບໍ່ແກ້ວມາວຽງຈັນ ຈະອອກທຸກວັນເວລາ 10:20 ນາທີ ແລະ ວັນຈັນ, ພຸດ, ສຸກເວລາ 13:30 ນາທີ.
ສຳລັບວຽງຈັນ-ປາກເຊຂາໄປຈາກສະໜາມບິນວັດໄຕແມ່ນ 14:50 ນາທີ ແລະອອກຈາກປາກເຊມາວຽງຈັນເວລາ 16:50 ນາທີ ຊຶ່ງຈະມີບິນທຸກໆວັນ.
Cr: Aero LAOS
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment