ຊາຍໜຸ່ມຄິດສັ້ນ ແຂວນຄໍຕາຍທີ່ຕົ້ນໝາກມ່ວງ

ໃນວັນທີ 4 ມີນາ 2018 ຜ່ານມາ ທີ່ບ້ານໂພນແສນ ເມືອງຫມື່ນ ແຂວງວຽງຈັນ ມີຄົນແຂວນຄໍຕາຍ ຜູ້ເສຍຊີວິດແມ່ນຜູ້ຊາຍ ທີ່ຕັດສິນໃຈປິດຊີບຕົວເອງເພາະສາເຫດໃດນັ້ນຍັງບໍ່ຮູ້ ຕ້ອງລໍຖ້າການສືບສວນຈາກເຈົ້າໜ້າທີ່ກ່ອນ.

ມີຫຍັງມີບໍ່ຖືກຕ້ອງຄ່ອງໃຈກໍ່ຄ່ອຍເວົ້າຄ່ອຍວ່າປຶກສາໝູ່ເພື່ອຄົນຮັກແພງ ທຸກຢ່າງມີທາງອອກສະເໝີ ຢ່າຄິດສັ້ນຂ້າຕົວຕາຍບໍ່ມີຫຍັງດີຂຶ້ນ ໃນທາງທຳເພິ່ນວ່າບາບໜັກໜາ ແຕ່ໃນທາງໂລກກໍ່ເສຍດາຍຊີວິດໜຶ່ໆທີ່ເກີດມາກວ່າພໍ່ແມ່ຈະລ້ຽງໃຫຍ່ຈົນມີຄອບຄົວເພິ່ນຮັກດັ່ງແກ້ວຕາດວງໃຈ. ຄົນສ່ວນໃຫຍ່ບໍ່ຢາກຈາກລາໂລກນີ້ໄປຍ້ອນເກີດມາພຽງຄັ້ງດຽວ ຈິ່ງດິ້ນຮົນຫາເງິນຮັກສາສຸຂະພາບປ່ຽນຖ່າຍຕັບໄຕໄສ້ພຸງໃຫ້ໄດ້ຢູ່ດົນໆແລ້ວເປັນຫຍັງຄົນທີ່ບໍ່ໄດ້ເປັນຫຍັງຕ້ອງຂ້າຕົວຕາຍເອງ???

ເຫດການແຂວນຄໍຕາຍບໍ່ແມ່ນແຕ່ລາຍນີ້ ໃນວັນທີ 3 ມີນາຜ່ານມາຢູ່ບ້ານບໍ່ເຫຼັກ ເມືອງໄຊທານີ ນະຄອນຫຼວງວຽງຈັນກໍ່ມີຜູ້ຊາຍຄົນໜຶ່ງແຂວນຄໍຕົນເອງຕາຍຢູ່ກ້ອງຄັນໄດໃນເຮືອນຈົນເໜົ່າເປື່ອຍບໍ່ມີໃຜເຫັນກ່ອນຈະ ມີຜູ້ໄປພົບສົບຍ້ອນມີກິ່ນໂຊຍອອກໄປທາງນອກ ຊຶ່ງຄາດວ່າເສຍຊີວິດປະມານ 7 ມື້ແລ້ວ ໜ່ວຍກູ້ໄພນະຄອນຫຼວງວຽງຈັນ ຈິ່ງໄປຊ່ວຍເອົາຜູ້ເສຍຊີວິດລົງ ເພື່ອມອບໃຫ້ຄອບຄົວພີ່ນ້ອງໄປປະກອບ.