ຜູ້ຊາຍທັງຫຼາຍໂດຍສະເພາະຜູ້ທີ່ມີປະສົບການແລ້ວລອງວິເຄາະເບິ່ງວ່າ ຄວາມຄິດມີການປ່ຽນແປງແບບໃດໃນແຕ່ລະໄລຍະ. ແຕ່ຈິງແລ້ວສຳລັບຄວາມມັກທີ່ປ່ຽນໄປຕາມໄວຂອງຄົນເຮົານັ້ນບໍ່ແມ່ນເກີດຂຶ້ນສະເພາະແຕ່ຜູ້ຊາຍເທົ່ານັ້ນດອກ ແມ່ຍິງກໍ່ເປັນຄືກັນ ຕ່າງແຕ່ວ່າແມ່ຍິງເມື່ອມີຄອບຄົວລູກຜົວແລ້ວຈະບໍ່ມັກສົນໃຈແນມຄົນອື່ນອີກ ເອີ້ນວ່າປິດຫົວໃຈປັກໄວ້ທີ່ຄອບຄົວຫຼາຍກວ່າຈິ່ງບໍ່ຄ່ອຍມີບັນຫາຍິງຫຼາຍຊູ້ເມື່ອທຽບໃສ່ເພດຊາຍ.
ເບິ່ງຢ່າງໜຶ່ງກໍ່ຄືເປັນການເພີດເພີນມ່ວນຊື່ນໄປ ແຕ່ຄວາມຈິງຂອງຜູ້ຊາຍກໍ່ມັກເປັນແບບນີ້ແລະນໍ!!! ຖ້າບໍ່ດັ່ງນັ້ນຄົງບໍ່ໄດ້ຂໍ້ຄິດເຫຼົ່ານີ້ອອກມາ ແຕ່ບໍ່ແມ່ນເປີດໂປງຜູ້ຊາຍນະ ແມ່ນຢູ່ສຸພາບບຸລຸດສ່ວນໜຶ້່ງອາດເປັນຄືດັ່ງວ່າ ຫາກບໍ່ໄດ້ເໝົາລວມ!!!
ຜູ້ຊາຍອາຍຸ 16 ປີລົງມາ: ຈະມັກແມ່ຍິງມີອາຍຸສູງກວ່າ ເພາະຕ້ອງການຄົນເອົາໃຈ
ຜູ້ຊາຍອາຍຸ 17-29 ປີ: ຂໍແຕ່ເປັນແມ່ຍິງທີ່ງາມ ເພາະຕ້ອງການເອົາໄປອວດໝູ່
ຜູ້ຊາຍອາຍຸ 30-45 ປີ: ຫຼັງຈາກເບື່ອໜ່າຍແມ່ຍິງທີ່ເອົາແຕ່ໃຈ ຜູ້ຊາຍຈະຫັນມາມັກແມ່ຍິງທີ່ງາມຈາກພາຍໃນຫຼາຍກວ່າພາຍນອກ ເພາະເປັນຊ່ວງເວລາທີ່ຜູ້ຊາຍຕ້ອງການ “ແມ່ພັນ” ເພື່ອມາເປັນພັນລະຍາທີ່ແສນດີ ແລະ ເປັນແມ່ທີ່ແສນແພງຂອງລູກໆໃນອະນາຄົດ.
ຜູ້ຊາຍອາຍຸ 46-59 ປີ: ຜູ້ຊາຍອາຍຸປານນີ້ຈະຜ່ານຮ້ອນຜ່ານໜາວ ຜ່ານເສິກສົງຄາມມາຫຼາຍບັ້ນຮົບແລ້ວ ແລະ ພວກເຂົາສ່ວນຫຼາຍກໍປະສົບຜົນສຳເລັດໃນວຽກງານສູງ. ສະນັ້ນ ຜູ້ຊາຍຊ່ວງນີ້ຈະມັກແມ່ຍິງງາມ ເພື່ອເອົາມາເສີມບາລະມີ.
ຜູ້ຊາຍອາຍຸ 60 ປີຂຶ້ນໄປ: ຜູ້ສາວຍິ່ງນ້ອຍຍິ່ງດີ ເຖິງຮ່າງກາຍຈະບໍ່ພ້ອມ ແຕ່ໃຈເກີນ 100%, ໃນບັ້ນປາຍຊີວິດນີ້ ຜູ້ຊາຍມັກຕາມຫາສິ່ງທີ່ຂາດຫາຍໄປໃນອະດີດ ເພື່ອມາຕື່ມເຕັມໃຫ້ຊີວິດ ກ່ອນທີ່ຈະຈາກໂລກນີ້ໄປ ພວກເຂົາຈະກັດແຂ້ວສູ້ໃນບັ້ນຮົບສຸດທ້າຍ (ສ່ວນຫຼາຍຝັນເອົາ).
ຂອບໃຈບົດຄວາມດີໆຈາກອາຈານກາບແກ້ວ ທຳມະວົງ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment