ຄືດັ່ງທີ່ເວົ້າກັນທຸກມື້ ອຸປະຕິເຫດເກີດຂຶ້ນໄດ້ທຸກເມື່ອຖ້າເຮົາຂາດສະຕິ ບາງຄັ້ງມີສະຕິແຕ່ປະໝາດກໍ່ເກີດຂຶ້ນໄດ້ເຊັ່ນດຽວກັນ ໂດຍສະເພາະເວລາຂີ່ລົດຈັກແລ້ວນຸ່ງກະໂປ່ງລ່າມໆປີວໄປມາ ອາດສ່ຽງອັນຕະລາຍເຖິງສຸຂະພາບ ແລະຊີວິດຍ້ອນຄວາມຍາວເປັນເຫດດັ່ງອຸປະຕິເຫດລາຍນີ້.
ການຂັບຂີ່ລົດມີຄວາມສ່ຽງຕໍ່ການເກີດອຸປະຕິເຫດ ຖ້າຂີ່ລົດຈັກຍິ່ງສ່ຽງຫຼາຍຂຶ້ນ ສະນັ້ນດີແທ້ຄວນນຸ່ງເຄື່ອງທີ່ໃສ່ສະດວກນັ່ງຂຶ້ນ-ລົງງ່າຍບໍ່ເກະກະ ແລະປົກປິດສ່ວນຕ່າງໆຂອງຮ່າງກາຍ ເພື່ອປ້ອງກັນເວລາການເກີດອຸປະຕິເຫດບໍ່ໃຫ້ກະທົບຮ້າຍແຮງ.
ທີ່ຍົກເອົາບັນຫານີ້ຂຶ້ນມາກໍ່ເພາະວ່າຢູ່ປະເທດເພື່ອນບ້ານໃນວັນທີ 12 ມີນາ 2018 ນີ້ມີສາວຄົນໜຶ່ງນຸ່ງກະໂປ່ງລ້າມໆປິວສະບັ້ນຊ້ອນລົດຈັກ ເຮັດໃຫ້ສົ້ນກະໂປ່ງຂອງສາວຄົນນັ້ນໄປເຂົ້າດີ້ວລົດຈັກ ເປັນເຫດໃຫ້ຫົວຟາດພື້ນເຈັບໜັກ ແຖມກະໂປ່ງຍັງຖືກດຶງໄປຕິດຢູ່ກົງລົດອີກສ່ວນໜຶ່ງ ເຮັດໃຫ້ສາວງາມຖືກຊ່ວຍອອກມາໃນສະພາບເຫຼືອເຄື່ອງຕິດຕົວບໍ່ຄົບ ຈິ່ງຝາກເຕືອນສາວໆເວລາຈະໄປໃສມາໃສຕ້ອງເອົາຄວາມປອດໄພມາກ່ອນຄວາມງາມວາດຫວິວຕາມຫຼັງ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment