ອີງຕາມການລາຍງານຂອງທ່ານ ໄຊທະວີ ນັກຂ່າວຫ້ອງການສຶກສາທິການ ແລະ ກິລາ ເມືອງຜາໄຊ ແຂວງຊຽງຂວາງໃຫ້ຮູ້ວ່າ: ການສອບເສັງຄັດເລືອກນັກຮຽນເກັ່ງຂັ້ນ ມ.4 ແລະ ມ.7 ໃນທົ່ວເມືອງຜາໄຊ ສົກຮຽນ 2017-2018 ທີ່ຫາກໍ່ຜ່ານໄປເມື່ອບໍ່ດົນນີ້ ທີ່ຫ້ອງປະຊຸມຫ້ອງການສຶກສາທິການ ແລະ ກິລາ ເມືອງ ໃນນັ້ນ ໂຮງຮຽນມັດທະຍົມສົມບູນລາດຄ້າຍສາມາດກວາດໄດ້ອັນດັບ 01 ຂອງທຸກໆວິຊາໃນຕາຕະລາງການສອບເສັງຄື: ສໍາລັບຂັ້ນ ມ.4. ວິຊາ ພາສາລາວ-ວັນນະຄະດີ: ຊະນະເລີດ ນາງ ກູດກ້ຽງ ຍຸດທະໄຊ ໄດ້ 7,3 ຄະແນນ ມາຈາກໂຮງຮຽນ ມສ ລາດຄ້າຍ, ຮອງຊະນະເລີດ ນາງ ໄພລິນ ໄດ້ 6,2 ຄະແນນ ຈາກໂຮງຮຽນ ມຕ ລາດແສນ; ວິຊາ ຄະນິດສາດ: ຊະນະເລີດ ນາງ ແສງພອນ ໄດ້ 6 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ທ້າວ ຄໍາປ່ອງ ໄດ້ 1,25 ຄະແນນ ຈາກ ມຕ ລາດແສນ; ວິຊາ ເຄມີສາດ: ຊະນະເລີດ ນາງ ນີ່ມ ສີດາວັນ ໄດ້ 6 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ທ້າວ ກະຍີ້ງ ໄດ້ 1,25 ຄະແນນ ຈາກໂຮງຮຽນ ມສ ບ້ານໜອງ; ວິຊາ ຟີຊິກສາດ: ຊະນະເລີດ ນາງ ນິກ ດວງປະເສີດ ໄດ້ 6. ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ນາງ ຫຼານເຈ້ຍລໍ່ ໄດ້ 2 ຄະແນນ ຈາກໂຮງຮຽນ ມຕ ບ້ານທາງ.
ສໍາລັບຂັ້ນ ມ.7.ວິຊາ ພາສາລາວ-ວັນນະຄະດີ: ຊະນະເລີດ ທ້າວ ບຸນລ້ອມ ເຫຼືອດໍາ ໄດ້ 6,76 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ນາງ ຈັນສຸກ ໄດ້ 3,3 ຄະແນນ ຈາກໂຮງຮຽນ ມສ ບ້ານໜອງ; ວິຊາ ຄະນິດສາດ: ຊະນະເລີດທ້າວ ສື່ມົວ ຢົງດາ ໄດ້ 3.5 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ທ້າວ ຄໍາພັນ ທະວົງຮັກ ໄດ້ 1,25 ຄະແນນ ຈາກໂຮງຮຽນ ມສ ບ້ານໜອງ; ວິຊາ ເຄມີສາດ: ຊະນະເລີດ ທ້າວ ຊູເຮີ ຊົວດາ ໄດ້ 1,25 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ທ້າວ ສອນວິໄລ ໄດ້ 0,5 ຄະແນນ ຈາກໂຮງຮຽນ ມສ ບ້ານໜອງ; ວິຊາ ຟີຊິກສາດ: ຊະນະເລີດ ທ້າວ ເລົ່າປໍຢ່າງ ໄດ້ 6 ຄະແນນ ຈາກໂຮງຮຽນ ມສ ລາດຄ້າຍ, ຮອງຊະນະເລີດ ທ້າວ ຮືຊົວຢ່າງ ໄດ້ 1,3 ຄະແນນ ຈາກໂຮງຮຽນ ມສ ບ້ານໜອງ.
ທ່ານໄຊທະວີຍັງລາຍງານໃຫ້ຮູ້ອີກວ່າ: ໃນ 04 ວິຊາຫຼັກທີ່ນໍາມາສອບເສັງຄັດເລືອກນັກຮຽນເກັ່ງຄັ້ງນີ້ ແຕ່ລະວິຊາໃຊ້ເວລາທັງໝົດ 120 ນາທີ, ໂດຍມີນັກຮຽນສະໝັກເຂົ້າມາສອບເສັງທັງໝົດໃນທົ່ວເມືອງ 27 ຄົນ, ຍິງ 11 ຄົນ, ໃນນັ້ນ ຂັ້ນ ມ.4 ມີ 19 ຄົນ ຍິງ 10 ຄົນ ແລະ ຂັ້ນນ ມ.7 ມີ 8 ຄົນ ຍິງ 1 ຄົນ, ໂດຍໃຊ້ເວລາທັງ 01 ວັນຈິ່ງສໍາເລັດ, ຫຼັງຈາກນັ້ນ ຈະໄດ້ນໍາເອົານັກຮຽນເກັ່ງແຕ່ລະວິຊາ ຂັ້ນ ມ.4 ແລະ ມ.7 ເປັນຕົວແທນໃຫ້ເມືອງ ເຂົ້າຮ່ວມແຂ່ງຂັນນັກຮຽນເກັ່ງລະດັບແຂວງ ເຊິີ່ງຈະຈັດການສອບເສັງໃນລະຫວ່າງເເດືອນ ມີນາ 2018 ນີ້.
ຂ່າວໂດຍ: ຄານສີສະຫວັນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment