ຄວາມສະຫງົບຮຽບຮ້ອຍພາຍໃນສັງບ້ານເມືອງເປັນສິ່ງທີ່ທຸກຄົນຢາກໃຫ້ມີ ແລະເຈົ້າໜ້າທີ່ປ້ອງກັນຊາດ ປ້ອງກັນຄວາມສະຫງົບຜູ້ຊຶ່ງໄດ້ຮັບມອບໝາຍຈາກປະເທດຊາດ ແລະປະຊາຊົນຕ່າງກໍ່ໄດ້ເຮັດໜ້າທີ່ຂອງຕົນຢ່າງດີທີ່ສຸດເພື່ອເຮັດໃຫ້ບ້ານເຮົາສະຫງົບປອດໄພ ແຕ່ກໍ່ຫຼີກລ່ຽງບໍ່ໄດ້ບັນຫາດັ່ງກ່າວເປັນຕົ້ນບັນຫາຢາເສບຕິດ, ຂີ້ລັກງັດແງະ, ກີນເຫຼົ້າເມົາອາລະວາດ, ຄ້າຂາຍຢາເສບຕິດ, ຂີ່ລົດໄວ, ໃຊ້ສຽງດັງ ກໍ່ໃຫ້ເກີດອຸບັດຕິເຫດຕາມທອງຖະໜົນຫຼວງ ແລະ ກໍລະນິອື່ນໆ.
ພັຕ ປຸ່ນ ສິງທອງມົນ ຫົວໜ້າພະແນກຕໍາຫຼວດ ປກສ ເມືອງພຽງ ແຂວງໄຊຍະບູລີ ໃຫ້ຮູ້ວ່າ: ໃນໄລຍະ 1 ປີຜ່ານມາ ສະເພາະຢູ່ເມືອງພຽງມີຄະດີເກີດຂື້ນ 58 ເລື່ອງ, ບຸກຄົນພົວພັນເຖິງການກະທໍາຜິດມີ 90 ຄົນ, ຍິງ 19 ຄົນ ເດັ່ນກວ່າໝູ່ແມ່ນມີຢາເສບຕິດໄວ້ໃນຄອບຄອງມີ 18 ເລື່ອງ, ມີ 37 ຄົນ, ຍິງ 4 ຄົນ, ລັບຊັບພົນລະເມືອງ 17 ເລື່ອງ, ມີ 25 ຄົນ, ຍິງ 1 ຄົນ, ທໍາມິດສະຈານ 4 ເລື່ອງ ມີ 8 ຄົນ, ຍິງ 4 ຄົນ, ທໍາຮ້າຍຮ່າງກາຍ 3 ເລື່ອງ ມີ 3 ຄົນ, ຍິງ 1 ຄົນ, ກໍລະນີຄົນບໍ່ດີງັດແງະເຮືອນປະຊາຊົນ 3 ເລື່ອງ ມີ 2 ຄົນ, ອາລະວາດຕິກັນ 2 ເລື່ອງ ມີ 1 ຄົນ, ຊິງຊັບພົນລະເມືອງ 2 ເລື່ອງ ມີ 2 ຄົນ, ຄາດຕະກໍາ 1 ເລື່ອງ ມີ 2 ຄົນ, ພະຍາຍາມຂົ່ມຂື່ນ 1 ເລື່ອງ ມີ 1 ຄົນ, ໄປຊອກຫາກີນແລ້ວເສຍຊີວິດ 1 ເລື່ອງ ມີ 1 ຄົນ, ເສຍຊີວິດຍ້ອນຊ໋ອດປາ 1 ເລື່ອງ ມີ 1 ຄົນ ແລະ ແຂນຄໍຕົວເອງເສຍຊີວິດ 5 ເລື່ອງ ມີ 5 ຄົນ.
ສະພາບອຸບັດຕິເຫດໃນທົ່ວເມືອງ ມີອຸບັດຕິເຫດເກີດຂື້ນທັງໝົດ 40 ຄັ້ງ ມີ 26 ເລື່ອງ, ຄົນໄດ້ຮັບບາດເຈັບທັງໝົດ 81 ຄົນ, ຍິງ 15 ຄົນ ໃນນີ້ເຈັບສາຫັດ 12 ຄົນ, ບາດເຈັບສົມຄວນ 28 ຄົນ, ຍິງ 2 ຄົນ, ເລັກນ້ອຍ 39 ຄົນ, ຍິງ 4 ຄົນ ແລະ ເສຍຊີວິດ 10 ຄົນ, ຍິງ 4 ຄົນ, ພາຫະນະເປ່ທັງໝົດ 105 ຄັນ, ພາຫະນະເປ່ເພເລັກນ້ອຍ 81 ຄັນ, ເປ່ເພສົມຄວນ 21 ຄັນ ແລະ ໃຊ້ການບໍ່ໄດ້ 3 ຄັນ ລວມມູນຄ່າເສຍຫາຍ 1,2 ຕື້ກວ່າກີບ ສາເຫດຍ້ອນຜູ້ຂັບຂີ່ບໍ່ປະຕິບັດກົດລະບຽບຈະລາຈອນ, ດື່ມສິ່ງມືນເມົາແລ້ວຂັບຂີ່ລົດໄວ ດ້ວຍຄວາມບໍ່ລະມັດລະວັງ ແລະ ບໍ່ເຄົາລົບລະບຽບກົດໝາຍ. ສ່ວນບັນຫາອັກຄີໄພເກີດຂື້ນ 6 ຄັ້ງ ມີ 6 ເລື່ອງ ລວມມູນຄ່າ 1,3ລ້ານກວ່າກີບ.
ພ້ອມນີ້, ກໍາລັງ ປກສ ບໍລິການ ປະຊາຊົນ ຢູ່ແຕ່ລະກຸ່ມ ກໍ່ໄດ້ລົງສົມທົບອໍານາດການປົກຄອງ ເຮັດບົດບັນທຶກສຶກສາອົບຮົມເປົ້າໝາຍຕ່າງໆເປັນຕົ້ນແມ່ນ: ຄ້າຂາຍຍ່ອຍຢາເສບຕິດ, ເສບຢາ, ຈັກສະຕິນ, ໝໍ້ຊ໋ອດ, ປຶນແກ໋ບ ແລະ ອື່ນໆ ໄດ້ທັງໝົດ 580 ຄົນ, ຍິງ 15 ຄົນ ໃນນີ້ມີຄ້າຂາຍຍ່ອຍຢາເສບຕິດ 25 ຄົນ, ຍິງ 0 ຄົນ, ເສບຢາເສບຕິດ 344 ຄົນ, ຍິງ 08 ຄົນ, ຈັກສະຕີນ 75 ເຄື່ອງ, ປື່ນແກ໋ບ 205 ກະບອກ, ໝໍ່ຊອດປາ 32 ເຄື່ອງ, ດັດແປງສະພາບເຕັກນິກລົດຈັກ 03 ຄັນ, ຫຼີ້ນການພະນັ້ນ 10 ຄົນ, ອາລະວາດຄອບຄົວ 06 ຄົນ ແລະ ໂສເພນີ 03 ຄົນ, ຍິງ 03 ຄົນ.
ສາຄອນ ໄຊສົມຮັກສາ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment