ຈະເລີ່ມດຳເນີນການກໍ່ສ້າງແລ້ວສຳລັບ ໂຮງຫມໍກະເສມລາດ ອິນເຕີເນຊັນເນລ ຮອສປີໂຕລ ວຽງຈັນ (Kasemrad International Hospital Vientiane ) ໂຮງຫມໍເອກກະຊົນ ທີ່ມີລະບົບທັນສະໄຫມທີ່ສຸດໄດ້ມາດຕະຖານ ສາກົນ ແຫ່ງທຳອິດໃນປະເທດລາວ ຊອ່ງແມ່ນຜົນການຮ່ວມທຶນລະຫວ່າງ ນັກທຸລະກິດ ລາວ ແມ່ນເຈົ້າຂອງເວດສະພົງ ຄລີນິກ ແລະໄທ ແມ່ນກຸ່ມ ໂຮງພະຍາບານ ກະເສມລາດ ບາງກອກ ຄາດວ່າຈະສາມາດເປີດໃຫ້ບໍລິການໄດ້ໃນປີ 2020
ໂຮງໝໍແຫ່ງໃໝ່ນີ້ຈະນຳໃຊ້ງົບປະມານຫຼາຍເຖິງ 50 ລ້ານໂດລາເຂົ້າໃນການກໍ່ສ້າງ ຫວັງເປັນສ່ວນໜຶ່ງຂອງການປິ່ນປົວສຸຂະພາບປະຊາຊົນກໍ່ຄືຊາວຕ່າງປະເທດທີ່ມາດຳລົງຊີວິດຢູ່ລາວມີທາງເລືອກເພີ່ມຂຶ້ນອີກທາງໜຶ່ງ ແລະຫຼຸດຜ່ອນການຂ້າມຂອງໄປບໍລິການຢູ່ຝັ່ງໄທດັ່ງທີ່ເປັນຢູ່ໃນທຸກວັນນີ້.
ຕາມການເປີດເຜີຍຂອງທ່ານ ນາງວາລີ ເວດສະພົງ ຜູ້ຮ່ວມທຶນຝ່າຍລາວກ່ອນໜ້ານີ້ໃຫ້ຮູ້ວ່າ: ໂຮງໝໍແຫ່ງໃໝ່ນີ້ເປັນການຮ່ວມມືກັບກຸ່ມບໍລິສັດກະເສມຣາດຂອງໄທ. ກຸ່ມບໍລິສັດນີ້ແມ່ນມີຄລີນິກ ແລະໂຮງໝໍຫຼາຍແຫ່ງຕັ້ງຢູ່ຕາມຈັງຫວັດຕ່າງໆໃນປະເທດໄທ ແລະເປັນທີ່ຍອມຮັບຂອງຜູ້ໃຊ້ບໍລິການເປັນຢ່າງດີ ຈິ່ງເຊື່ອວ່າເມື່ອມີໂຮງໝໍເຄືອຂ່າຍຄຸນນະພາບມາຕັ້ງຢູ່ລາວຈະສາມາດຕອບໂຈດຄວາມຕ້ອງການຂອງປະຊາຊົນລາວໄດ້ລະດັບໜຶ່ງ.
ໂຮງຫມໍກະເສມລາດ ອິນເຕີເນຊັນເນລ ຮອສປີໂຕລ ວຽງຈັນ ກຳລັງກ້າວສູ່ການເລີ່ມດຳເນີນການກໍ່ສ້າງເທິງເນື້ອທີ່ປະມານ2 ເຮັກຕາຢູ່ບ້ານດອນນົກຂຸ້ມ ໂດຍຄາດວ່າຈະໃຊ້ເວລາ 2 ປີໃນການກໍ່ສ້າງປະມານປີ 2020 ໃຫ້ໄດ້ເປີດບໍລິການປະຊາຊົນຢ່າງເປັນທາງການ.
ສ່ວນແພດໝໍທີ່ຈະມາບໍລິການໃນໂຮງໝໍນັ້ນຕາມແຜນເບື້ອງຕົ້ນແມ່ນຈະເອົາແພດຜູ້ຊ່ຽວຊານ ແລະພະຍາບານຜູ້ມີປະສົບການມາແຕ່ຕ່າງປະເທດໂດຍສ່ວນໃຫຍ່ ຕົ້ນຕໍແມ່ນມາຈາກປະເທດໄທທີ່ສາມາດສື່ສານກັບປະຊາຊົນລາວເຂົ້າໃຈ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment