ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 63 ປີ ວັນທີ 22 ມິນາ 1955 – 22 ມີນາ 2018 ທີ່ໝູນວຽນມາອີກວາລະໜຶ່ງນັ້ນ, ໃນວັນທີ 21 ມີນາ 2018, ການນໍາຂອງ ແຂວງ ໄຊຍະບູລີ ນໍາໂດຍທ່ານ ປອ ສົມລິດ ເປືອກແກ້ວ ຮອງເລຂາພັກແຂງ, ປະທານສະພາປະຊາຊົນແຂວງ, ໄດ້ວາງກະຕ່າດອກໄມ້ທີ່ອານຸສອນ ທ່ານ ປະທານ ໄກສອນ ພົມວິຫານ, ຈາກນັ້ນກໍ່ໄດ້ເຂົ້າວາງພວງມະລາທີ່ອານຸສາວະລີ ນັກຮົບນິລະນາມ.
ທັງນີ້ກໍ່ເພື່ອເປັນການໄຫວ້ອາໄລ ແລະ ລະນຶກເຖິງບຸນຄຸນ - ຄຸນງາມຄວາມດີ ຂອງດວງວິນຍານພະນັກງານ - ນັກຮົບປະຕິວັດ ທີ່ໄດ້ເສຍສະລະຊີວິດເລືອດເນື້ອໃນປາງສົງຄາມ, ເພື່ອພາລະກິດປົກປັກຮັກສາ ແລະສ້າງສາພັດທະນາປະເທດຊາດ, ເພື່ອປະຊາຊົນໃນໄລຍະຕໍ່ສູ້ກູ້ຊາດ, ຍາດເອົາເອກະລາດ ແລະ ຜືນແຜ່ນດິນອັນຄົບຖ້ວນຂອງຊາດ, ເວົ້າລວມ, ເວົ້າສະເພາະ ແມ່ນເຂດນໍ້າແດນດິນຂອງ ແຂວງ ໄຊຍະບູລີ ໄວ້ໃຫ້ໝັ້ນຄົງ.
ການວາງພວງມະລາຄັ້ງນີ້ລວມມີກ້ອນກໍາລັງທັງໝົດ 8 ກ້ອນຄື: ກ້ອນຂອງການນໍາ, ກ້ອນກອງບັນຊາການທະຫານແຂວງ, ກອງບັນຊາການ ປກສ ແຂວງ, ກ້ອນເຍົາວະຊົນ, ກ້ອນຊາວໜຸ່ມ, ກ້ອນນັກຮຽນ-ນັກສຶກສາ, ກຸ່ມການເມືອງ ແລະ ກ້ອນເມືອງໄຊຍະບູລີ.
ໂດຍ: ສາຄອນ ໄຊສົມຮັກສາ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment