ສິນຄ້າເກືອດຫ້າມ ແລະໝົດອາຍຸລະບາດໜັກ, ຈະຊື້ຫຍັງກິນຫຍັງຕ້ອງຫາກວດໃຫ້ພົບວັນໝົດອາຍຸສາກ່ອນ ຈິ່ງຈົກເງິນມາຈ່າຍຈະປອດໄພກວ່າ ເຖິງແມ່ນຍັງບໍ່ທັນເປັນຜູ້ຕົກເປັນເຫຍື່ອດິ້ນຕາຍຕໍ່ໜ້າ ແຕ່ສິນຄ້າທີ່ຜະລິດມາມີກຳນົດ ຫາກກາຍເວລາອັນສົມຄວນ ບໍ່ໜ້ອຍກໍ່ຫຼາຍຈະສົ່ງຜົນກະທົບໄລຍະຍາວແກ່ຜູ້ຊົມໃຊ້ຢ່າງແນ່ນອນ.
ເພື່ອປົກປ້ອງຜູ້ບໍລິໂພກໃນເວລາ 9:00 ຂອງວັນທີ 23 ມີນາ 2018 ໜ່ວຍງານ ວິທະຍາສາດ ແລະ ເຕັກໂນໂລຊີເມືອງຫີນບູນ ໄດ້ຈັດທຳລາຍ ສິນຄ້າທີ່ເກືອດຫ້າມ ແລະ ສິນຄ້າໝົດອາຍຸນຳໃຊ້ທີ່ຫ້ອງການ ອຸດສະຫະກຳ ແລະ ການຄ້າ ເມືອງຫີນບູນ ໃນນັ້ນສ່ວນໃຫຍ່ແມ່ນປະເພດນ້ຳຫວານ ນອກນັ້ນກໍ່ມີໝີ່, ໂຈ໊ກ ນອນນັ້ນກໍ່ມີເຂົ້າໜົມຈຳນວນໜຶ່ງ.
ເລື່ອງແບບນີ້ຢ່າລືມວ່າ ຖ້າປ່ອຍປະໃຫ້ເປັນໜ້າທີ່ຂອງພາກລັດຢ່າງດຽວແມ່ນບໍ່ສາມາດກຳຈັດປັດເປົ່າໄດ້ໝົດ ແຕ່ຕ້ອງອາໄສປະຊາຊົນເປັນຫູເປັນຕາຊ່ວຍ ແລະແຈ້ງພາກລັດເປັນຜູ້ດຳເນີນການກວດກາ ແລະຢືດຕາມລະບຽບກົດໝາຍ ປະກົດການຫຍໍ້ທໍ້ຈິ່ງຈະຫຼຸດໜ້ອຍຖອຍລົງໄດ້!!!!
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment