ຜູ້ຂົນສົ່ງລາວຫ່ວງອະນາຄົດ ຝາກພາກລັດກຳນົດນະໂຍບາຍທີ່ຊັດເຈນ

ການເປີດກວ້າງພົວພັນກັບສາກົນຫຼາຍຂຶ້ນ ຈະສ້າງຜົນບວກບໍ່ໜ້ອຍຕໍ່ການພັດທະນາປະເທດ ແຕ່ຄຽງຄ່ກັນນັ້ນພາຍໃນເອງກໍ່ຕ້ອງມີນະໂຍບາຍທີ່ຊັດເຈນໃນການປົກປ້ອງຜູ້ປະກອບການທີ່ເປັນຄົນລາວໃຫ້ສາມາດຢູ່ໄດ້ໃນທ່າມການກາງແຂ່ງຂັນທີ່ນັບມື້ສູງຂຶ້ນ.

ຜູ້ປະກອບການຂົນສົ່ງຂອງລາວໄດ້ໂພສບັນຫາຄ້າງຄາໃຈລົງໃນສື່ສັງຄົມອອນລາຍໂດຍຂໍຮ້ອງໃຫ້ລັດຖະບານຍື່ນມືເຂົ້າຊ່ວຍກຳນົດນະໂຍບາຍໃຫ້ຊັດເຈນ ແລະເຮັດໃຫ້ຜູ້ປະກອບການລາວສາມາດເຄື່ອນໄຫວໄດ້ຢ່າງເຕັມປະສິດທິພາບ ເນື່ອງປະຈຸບັນມີບໍລິສັດຂົນສົ່ງຈີນເຂົ້າມາຫຼາຍເກີນໄປ ເຮັດໃຫ້ຜູ້ຜະກອບການຂົນສົ່ງລາວພົບບັນຫາ.

ແນວໃດກໍ່ດີໃນແງ່ຂອງທຸລະກິດລູກຄ້າຕ້ອງການຄຸນນະພາບກັບການການບໍລິການທີ່ດີລາຄາຖືກ ຊຶ່ງຖ້າມີການແຂ່ງຂັນຫຼາຍພຽງໃດຈະເຮັດໃຫ້ລູກຄ້າມີທາງເລືອກຫຼາຍຂຶ້ນເທົ່ານັ້ນ ດັ່ງທີ່ພາກລັດໄດ້ເນັ້ນໜັກມາຕະຫຼອດວ່າການເປີດກວ້າງເປັນສິ່ງທີ່ດີ ແຕ່ຜູ້ປະກອບການພາຍໃນຕ້ອງກຽມພ້ອມສ້າງຄວາມເຂັ້ມແຂງໃຫ້ຕົນເອງ ເພື່ອສາມາດແຂ່ງຂັນໄດ້ກັບການເຈົ້າມາຂອງຜູ້ປະກອບການພາຍນອກ!!!