ຕາມເວັບໄຊ ທາງການຂອງ ຊີເກມ 2017 ລະບຸວ່າ: ເປຕັງທີມຄູ່ຊາຍ ແລະ ຄູຍິງຂອງທີມຊາດລາວ ໄປບໍ່ເຖິງຝັນ ພ້ອມໃຈກັນເສຍທັງ 2 ລາຍການ ເມື່ອຕອນເຊົ້າຂອງວັນທີ 24 ສິງຫາ ທີ່ຜ່ານມາ ໂດຍທີມຄູ່ຍິງ ນໍາໂດຍ ນາງ ລິນດາ ກັບ ພັນທະລີ ເສຍໃຫ້ທີມຊາດໄທ 5-13 ຄະແນນ ແລະ ທີມຄູ່ຊາຍ ນໍາໂດຍ ສົມສະໄໝ ກັບ ພອນປະເສີດ ເສຍໃຫ້ເຈົ້າພາບ ມາເລເຊຍ 4-13 ຄະແນນ ໄດ້ພຽງຫຼຽນທອງ ໃຫ້ທັບນັກກີລາວ ໃນຊີເກມ 2017 ທີ່ປະເທດມາເລເຊຍ ເປັນເຈົ້າພາບ.
ຢ່າງໃດກໍ່ຕາມ, ຍັງເຫຼືອລຸ້ນອີກ 3 ລາຍການສະເພາະກີລາ ເປຕັງ ຄື: ປະເພດທີມຊຸດ ຊາຍ-ຍິງ ແລະ ທີຄູ່ປະສົມ ເຊິ່ງຈະລົງສະໜາມແຂ່ງຂັນ ໃນວັນທີ 25 ສິງຫານີ້.
ສໍາລັບ ປະເພດກີລາ ທີ່ແຂ່ງຂັນສຳເລັດໄປແລ້ວ ແລະ ບໍ່ຜ່ານຮອບຄັດເລືອກຂອງ ທັບນັກກີລາ ທີ່ໝົດສິດລຸ້ນຫຼຽນແລ້ວ ປະກອບມີ: ກີລາຍິງທະນູ, ປິ່ງປ່ອງ, ວູຊູ, ບານບ້ວງ ແລະ ຣັກບີ້ ເຊິ່ງໄດ້ເດີນກັບ ນະຄອນຫຼວງວຽງເມື່ອວັນທີ 23 ສິງຫາ ທີ່ຜ່ານມາແລ້ວ.
ສໍາລັບ ຕອນລາຍງານຢູ່ນີ້ ທັບນັກກີລາລາວ ສາມາດຍາດໄດ້ 1 ຫຼຽນເງິນ ແລະ 5 ຫຼຽນທອງ ຈາກກໍ່ກີລາກະຕໍ້ຊິນລອນ 1 ຫຼຽນເງິນ ແລະ 1 ຫຼຽນທອງ, 2 ຫຼຽນທອງຈາກ ນັກກີລາມວຍສາກົນ ແລະ ຫຼ້າສຸດໄດ້ອີກ 2 ຫຼຽນທອງ ຈາກກີລາເປຕັງ ແຕ່ຍັງບໍ່ທັນມີວີແວວມີຫຼຽນຄໍາຕິດມື ທັງທີ່ຕັ້ງເປົ້າຢ່າງໜ້ອຍ 3 ຫຼຽນຄໍາ.
ຢ່າງໃດກໍ່ຕາມ, ທັບນັກກີລາ ກໍ່ຍັງມີລຸ້ນຕໍ່ ໃນໄລຍະເວລາທີ່ເຫຼືອ ໂດຍສືບຕໍ່ລົງສະໜາມແຂ່ງຂັນທັງໝົດ 13 ປະເພດກີລາ ປະກອບມີ: ກີລາກະຕໍ້, ຣັກບີ້, ດອກປີກໄກ່, ເປຕັງ, ກາຣາເຕໂດ, ແລ່ນ-ລານ, ບິນລຽດ-ສະນຸກເກີ, ປິ່ງປ່ອງ, ລົດຖີບ, ກ໊ອຟ, ຍິງປືນ, ລອຍນໍ້າ ແລະ ເທັນນິສ ເຊິ່ງໃນຕອນລາຍງານຢູ່ນີ້ຍັງບໍ່ທັນຊາບຜົນການແຂ່ງຂັນ ແລະ ຖ້າຫາກຊາບຜົນການແຂ່ງຂັນຈະລາຍງານໃຫ້ຊາບພາຍຫຼັງ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment