(VOVWORLD) -ຕາມສຳນັກຂ່າວສານສູນກາງ ສປປ ເກົາຫລີ (KCNA), ວັນທີ 22 ສິງຫາ ກອງທັບ ສປປ ເກົາຫລີ ຕັ້ງທັບຢູ່ໝູ່ບ້ານຢຸດຍິງ Panmunjom ຖືວ່າ: ອາເມລິກາ ໄດ້ເມີນເສີຍຄຳກ່າວເຕືອນຂອງກຳລັງນີ້ກ່ຽວກັບມາດຕະການໂຕ້ຕອບຢ່າງແຮງ ຖ້າຫາກ ຝ່າຍ ອາເມລິກາ ບໍ່ເລືອກເຟັ້ນຢ່າງຖືກຕ້ອງ.
ຕາມ KCNA ແລ້ວ, ການຊ້ອມຮົບຮ່ວມລະຫວ່າງ ອາເມລິກາ ແລະ ສເກົາຫລີ ຍູ້ສະພາບການແບ່ງແຍກໃນແຫລມເກົາຫລີຕົກເຂົ້າສູ່ສະພາບຊົ່ວຮ້າຍທີ່ສຸດ. ຄຳກ່າວເຕືອນນີ້ໂດຍ ຝ່າຍ ສປປ ເກົາຫລີ ມີຂຶ້ນໃນສະພາບກອງທັບ ອາເມລິກາ ແລະ ສເກົາຫລີ ເລີ່ມຕົ້ນການຊ້ອມຮົບຮ່ວມທີ່ແກ່ຍາວມາເປັນເວລາ 10 ວັນ ເລີ່ມຕົ້ນແຕ່ວັນທີ 21 ສິງຫາ ໂດຍມີການເຂົ້າຮ່ວມຂອງທະຫານ ອາເມລິກາ ປະມານ 17.500 ຄົນ ແລະ ທະຫານ ສເກົາຫລີ ປະມານ 50.000 ຄົນ.
ສປປເກົາຫຼີ ກ່າວປະນາມການເຄື່ອນໄຫວຊ້ອມຮົບຮ່ວມນີ້ ແມ່ນ “ການຊ້ອມຮົບຮຸກຮານ” ເຖິງວ່າ ກ່ອນນັ້ນ ເຊີອູນ ແລະ ວໍຊິງຕັນ ໄດ້ຢັ້ງຢືນຫລາຍຄັ້ງວ່າ ການເຄື່ອນໄຫວພຽງແຕ່ມີລັກສະນະເພື່ອປ້ອງກັນເທົ່ານັ້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment