ພິທີປະກາດການແຕ່ງຕັ້ງ ແລະຊັບຊ້ອນ ຂັ້ນຮອງຫົວໜ້າກົມ/ທຽບເທົ່າກົມ ພາຍໃນກະຊວງໄປສະນີ ໂທລະຄົມມະນາຄົມ ແລະການສື່ສານ (ປທສ) ໄດ້ຈັດຂຶ້ນໃນຕອນເຊົ້າ ຂອງວັນທີ 09 ສິງຫາ ຜ່ານມານີ້, ທີ່ ຫ້ອງປະຊຸມຊັ້ນ 5 ຂອງກະຊວງດັ່ງກ່າວ. ໂດຍການເປັນປະທານຂອງ ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ປທສ ມີບັນດາຫົວໜ້າກົມ, ຮອງກົມ ແລະພະນັກງານອ້ອມຂ້າງກະຊວງເຂົ້າຮ່ວມ.
ທ່ານ ຈັນທະວີພອນ ເຄືອບຄໍາວອນ ຮອງຫົວໜ້າກົມຈັດຕັ້ງ-ພະນັກງານ ໄດ້ປະກາດແຕ່ງຕັ້ງ ທ່ານ ສົມພອນ ສີຫາລາດ ເປັນຮອງຫົວໜ້າກົມຄື້ນຄວາມຖີ່, ທ່ານ ພວງປະເສີດ ແກ້ວສຸວັນ ເປັນຮອງຫົວໜ້າອົງການດັດສົມໂທລະຄົມມະນາຄົມ ແລະທ່ານ ປະສິດ ສີສົມບູນ ເປັນຮອງຫົວໜ້າສູນສົ່ງເສີມ ການນໍາໃຊ້ເຕັກໂນໂລຊີການສື່ສານຂໍ້ ມູນຂ່າວສານ ຕາມຂໍ້ຕົກລົງ ຂອງທ່ານລັດຖະມົນຕີ ກະຊວງ ປທສ ສະບັບເລກທີ 2461/ປທສ, ລົງວັນທີ 03 ສິງຫາ 2017 ພ້ອມດຽວນັ້ນ ໄດ້ປະກາດແຕ່ງຕັ້ງ ທ່ານ ນ ພິຊິດໄພ ກອກມິລາ ເປັນຮອງຫົວໜ້າ ອົງການດັດສົມໂທລະຄົມມະນາຄົມ ຕາມຂໍ້ຕົກລົງ ວ່າດ້ວຍການຊັບຊ້ອນພະນັກງານໄປຮັບໜ້າທີ່ໃໝ່, ສະບັບເລກທີ 2462/ປທສ, ລົງວັນທີ 03 ສິງຫາ 2017.
ໃນໂອກາດນີ້, ທ່ານລັດຖະມົນຕີ ໄດ້ໃຫ້ກຽດໂອ້ລົມ ພ້ອມທັງສະແດງຄວາມຍ້ອງຍໍ ຊົມເຊີຍຕໍ່ບັນດາທ່ານ ທີ່ໄດ້ຮັບການແຕ່ງຕັ້ງ ແລະ ປະທານກໍ່ເນັ້ນໜັກ ບັນດາຜູ້ຖືກແຕ່ງຕັ້ງໃນຄັ້ງນີ້ ໃຫ້ເອົາໃຈໃສ່ຍົກສູງພາລະບົດບາດໜ້າທີ່ການເມືອງໃໝ່ຂອງຕົນ ສູງຂື້ນກວ່າເກົ່າໃຫ້ສົມກຽດສັກສີທີ່ພັກລັດມີຄວາມເຊື່ອໜັ້ນ ແລະ ໄວ້ວາງໃຈ, ເພິ່ມຄວາມຮັບຜິດຊອບໃນໝ້າທີວຽກງານທີ່ໄດ້ຮັບມອບໜາຍ, ມີແບບແຜນການເຮັດວຽກ ແລະ ມີແບບແຜນການດໍາລົງຊິວິດທີ່ປອດໃສຂາວສະອາດ ມີຄຸນນະທໍາ ແລະ ມີຄວາມຍຸດຕິທໍາ ບໍ່ສວຍໃຊ້ຖານະຕໍາແໜ່ງ ໃນທາງທີຜິດ. ພ້ອມດຽວກັນນີ້ທ່ານລັດຖະມົນຕີຍັງໄດ້ໃຫ້ທິດທາງການເຮັດວຽກ ແລະ ການດໍາລົງຊິວິດທີ່ມີປະໂຫຍດ ແລະ ມີຄຸນຄ່າທີ່ສູງແກ່ຜູ້ເຂົ້າຮ່ວມກອງປະຊູມຕຶ່ມ.
ຂໍ້ມູນຈາກhttp://www.mpt.gov.la/
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment