ນະຄອນຫຼວງວຽງຈັນ, ວັນທີ 30 ສິງຫາ 2017. ກະຊວງການເງິນ ແລະ ທະນາຄານໂລກ ໄດ້ເຊັນສັນຍາການສະໜອງທຶນ ຈໍານວນ 30 ລ້ານ
ໂດລາສະຫະລັດ ຫລື ປະມານ240ຕື້ກີບ ສໍາລັບ ໂຄງການຄຸ້ມຄອງຄວາມສ່ຽງຈາກໄພພິບັດໃນອາຊີຕາເວັນອອກສ່ຽງໃຕ້
ສໍາລັບ ສປປ ລາວ (Lao PDR Southeast
Asia Disaster Risk Management Project), ຊຶ່ງຈະລົງທຶນໃນ ວຽກງານຄຸ້ມຄອງຄວາມສ່ຽງຈາກໄພນໍາຖ້ວມໃນຕົວເມືອງ ຢູ່ແຂວງອຸດົມໄຊ
ແລະ ໃນວຽກງານບໍລິ ການ ດ້ານອຸທົກກະສາດ-ອຸຕຸນິຍົມທີ່ເຊື່ອຖືໄດ້ ໃນທົ່ວປະເທດ.
ທຶນດັ່ງກ່າວໄດ້ລວມເອົາທຶນຊ່ວຍເຫຼືອລ້າ ຈໍານວນ 1 ລ້ານ ໂດລາສະຫະລັດ
ຈາກກອງທຶນຄໍ້າ ປະກັນຄວາມສ່ຽງຈາກ ໄພພິບັດຢູ່ອາຊີຕາເວັນອອກສ່ຽງໃຕ້ (SEADRIF) ຊຶ່ງເປັນກອງທຶນຊ່ວຍເຫຼືອແບບ ຫຼາຍຝ່າຍ, ທີ່ຈະຖືກນໍາໃຊ້ເພື່ອ ຊ່ວຍກະຊວງການເງິນ ໃນການກະກຽມ ແລະ
ຈັດຕັ້ງປະຕິບັດເຄື່ອງມືການສະ ໜອງທຶນ ສໍາລັບຄວາມສ່ຽງຈາກໄພພິບັດ.
ທ່ານ ຊອງ ຄຣິດສະຕອບ ແຄຣເຣ (Jean-Christophe Carret) ຜູ້ຕາງໜ້າທະນາຄານໂລກ ປະຈໍາ ສປປ ລາວ ຜູ້ໃໝ່, ໄດ້ກ່າວວ່າ:“ພວກຂ້າພະເຈົ້າມີຄວາມຍິນດີ ທີ່ໄດ້ເປັນຄູ່ຮ່ວມກັບລັດຖະບານ ແຫ່ງ ສປປ ລາວ
ເພື່ອສະໜັບສະໜູນການສ້າງຄວາມເຂັ້ມແຂງ ແລະ ຄວາມສາມາດຟື້ນຕົວຄືນໄດ້ໄວ ຈາກໄພພິບັດ, ຊຶ່ງສອດຄ່ອງກັບຈຸດໝາຍຂອງແຜນພັດທະນາເສດຖະກິດ-ສັງຄົມແຫ່ງຊາດ
5 ປີ ຄັ້ງທີ VIII (2016-2020).
ສປປ ລາວໄດ້ຮັບຜົນກະທົບງ່າຍຈາກໄພພິບັດທາງທໍາມະຊາດ; ສະນັ້ນ, ການລົງທຶນໃນການສ້າງ ຄວາມເຂັ້ມ
ແຂງ ແລະ ຄວາມສາມາດຟື້ນຕົວຄືນໄດ້ໄວ ຈາກໄພພິບັດ
ຈະຊ່ວຍສະໜັບສະໜູນ ໃຫ້ແກ່ຄວາມຈະ
ເລີນກ້າວໜ້າທາງດ້ານເສດຖະກິດໃນໄລຍະຍາວ.”
ໂຄງການນີ້ຄາດວ່າ ຈະນໍາເອົາຜົນປະໂຫຍດໂດຍກົງມາສູ່ປະຊາຊົນ ຈໍານວນ 100.000 ຄົນ
ຢູ່ເຂດເມືອງໄຊ ຂອງແຂວງອຸດົມໄຊ ໂດຍຜ່ານ ການຄຸ້ມຄອງຄວາມສ່ຽງຈາກໄພນໍ້າຖ້ວມໃນຕົວເມືອງ
ທີ່ຈະຊ່ວຍຫລຸດຜ່ອນ
ຜົນກະທົບຈາກໄພນໍ້າຖ້ວມ, ປະກອບກັບການອອກແບບທີ່ປະດິດສ້າງໃໝ່
ທີ່ຈະຄໍານຶງເຖິງວິທີການດ້ານພື້ນຖານ
ໂຄງລ່າງ ແບບອະເນກປະສົງ ແລະ ສີຂຽວ.
ທ່ານ ເຮນໄຣຄ໌ ບເຣັກຕ໌ (Henrike Brecht) ຜູ້ຊ່ຽວຊານອາວຸໂສ ດ້ານພື້ນຖານໂຄງລ່າງ
ຂອງທະນາ
ຄານໂລກ ໄດ້ກ່າວວ່າ: “ການລົງທຶນຢູ່ອຸດົມໄຊ ຈະມີຄວາມອາດສາມາດໃນການເອົາເປັນຕົວຢ່າງ
ສໍາລັບ
ຕົວເມືອງອື່ນໆຢູ່ ສປປ ລາວ ເພື່ອຈັດຕັ້ງປະຕິບັດການພັດທະນາທີ່ເຂັ້ມແຂງ ແລະ
ຍືນຍົງ” .
ສປປ ລາວ ໂດຍລວມ ຈະໄດ້ຮັບຜົນປະໂຫຍດຈາກລະບົບເຕືອນໄພລ່ວງໜ້າ ແລະ
ກົນໄກການສະ
ໜອງທຶນເພື່ອ ການຟື້ນຟູຄືນຈາກຜົນກະທົບຂອງໄພພິບັດ ທີ່ມີປະສິດທິພາບ, ຊຶ່ງໂຄງການນີ້ຈະຕອບ
ສະໜອງໃຫ້. ມັນເປັນສ່ວນໜຶ່ງ
ຂອງແຜນງານຄຸ້ມຄອງຄວາມສ່ຽງຈາກໄພພິບັດໃນພາກພື້ນ
ແຫລ່ງຂ່າວຈາກທະນາຄານໂລກ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment