ຂປລ. ເມື່ອບໍ່ດົນມານີ້, ສະຖານີວິທະຍຸກະຈາຍສຽງແຫ່ງຊາດລາວ ນຳໂດຍ ທ່ານ ວໍລະສັກ ປະວົງວຽງຄຳ ຄະນະອຳນວຍການສະຖານີວິທະຍຸ ກະຈາຍສຽງແຫ່ງຊາດລາວ ຮ່ວມກັບວິທະຍຸສາກົນ ແຫ່ງປະເທດຈີນ ປະຈຳລາວ, ບໍລິສັດທີພີພີ ລາວຈຳກັດ, ສະມາຄົມຄົນຮັກຊຳເໜືອ ແລະ ໜ່ວຍອາສາກູ້ໄພນະຄອນຫລວງວຽງຈັນ 1624 ນຳເອົາ ເຄື່ອງຊ່ວຍເຫລືອ ມາມອບໃຫ້ຜູ້ປະສົບໄພພິບັດຢູ່ ແຂວງສາລະວັນຄື: ເມືອງຄົງເຊໂດນ ທີ່ປະສົບໄພນ້ຳຖ້ວມ ແລະ ບ້ານອາຊິງໃຕ້, ເມືອງສະໝ້ວຍ ທີ່ປະສົບອັກຄີໄພ.
ເຄື່ອງທີ່ນຳມາຊ່ວຍເຫລືອຄັ້ງນີ້ ປະກອບມີ ເຄື່ອງນຸ່ງຫົ່ມ, ເຂົ້າສານອາຫານແຫ້ງ, ນ້ຳດື່ມ ແລະ ອື່ນໆ ລວມມູນຄ່າທັງໝົດ 40 ລ້ານກວ່າກີບ ເຊິ່ງເຄື່ອງຊ່ວຍເຫລືອດັ່ງກ່າວ ແມ່ນໄດ້ລະດົມມາຈາກກຸ່ມບໍລິສັດ, ນັກທຸລະກິດ, ຫ້າງຮ້ານ ແລະ ບຸກຄົນ, ໃນນັ້ນ ໄດ້ມອບໃຫ້ອຳນາດການປົກຄອງ ເມືອງຄົງເຊໂດນ ເພື່ອນຳໄປແຈກຢາຍໃຫ້ພໍ່ແມ່ ປະຊາຊົນທີ່ປະສົບໄພນ້ຳຖ້ວມ ຄິດເປັນມູນຄ່າ 20 ລ້ານກວ່າກີບ.
ຈາກນັ້ນ ກໍໄດ້ນຳເຄື່ອງດັ່ງກ່າວ ໄປມອບໃຫ້ອຳນາດການປົກຄອງ ເມືອງສະໝ້ວຍ ເພື່ອນຳເຄື່ອງໄປມອບ ໃຫ້ພໍ່ແມ່ປະຊາຊົນ ຢູ່ບ້ານອາຊິງໃຕ້ ທີ່ສົບເຄາະຮ້າຍຈາກອັກຄີໄພ ໃນມູນຄ່າ 20 ລ້ານກວ່າກີບ.
ຂອບໃຈຮູບຈາກNana Inthalangsy
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment