ເງິນມັກເຮັດໃຫ້ສຳພັນລະຫວ່າງຄົນທີ່ຮູ້ຈັກຮັກແພງແຕກຫັກກັນມານັບບໍ່ຖ້ວນ ຍ້ອນຕອນຢືມກັບຕອນຄືນບໍ່ງ່າຍຄືກັນ ຈິ່ງມັກມີຄຳເວົ້າບອກຕໍ່ກັນມາວ່າຄົນຮັກແພງຢ່າໃຫ້ຢືມເງິນ.
ເປັນຄົນຮູ້ຈັກຮັກແພງຈະຮູ້ສຶກອືດອັັດເມື່ອອີກຝ່າຍຂໍຢືມເງິນບາດລະຫຼາຍລ້ານ ຖ້າບໍ່ໃຫ້ກໍ່ເຮັດເປັັນບໍ່ພໍໃຈຕິໝູ່ຂີ້ຖີ່້ ແຕ່ມີຫຼາຍກໍລະນີໃຫ້ຢືມໄປເປັນກ້ອນກັບມາເທື່ອລະໜ້ອຍເຮັດໃຫ້ເງິນກ້ອນນັ້ນບໍ່ສາມາດເອົາໄປໝູນເຮັດແນວອື່ນໄດ້ອີກ ຫຼື ດີບໍ່ໄດີ ຍັງຖ້າໃຫ້ໝູ່ໄປຖາມ ຖາມແລ້ວແທນທີ່ຈະຮີບຮ້ອນຫາເງິນມາຄືນເຂົາກົງກັນຂ້າມກັບສະແດງທ່າທາງບໍ່ພໍໃຈ ຄ້າຍກັບວ່າຜູ້ເຈົ້າຂອງເງິນມີຄວາມຜິດທີ່ມາຖາມເອົາເງິນນຳ ຖ້າລູກໜີ້ຄົນໃດເປັນແບບນີ້ເຂົາເອີ້ນວ່າເປັນຄົນເນລະຄຸນບໍ່ຮູ້ສຳນຶກຕອນທີ່ຕົນເອງຫັນໜ້າຫາທາງໃດບໍ່ມີແລ້ວມີແຕ່ຄົນດຽວນີ້ທີ່ມີນ້ຳໃຈໃຫ້ເຈົ້າໄດ້ຢືມ.
ບົດສົນທະນາຂ້າງລຸ່ມນີ້ເປັນກໍລະນີຕົວຢ່າງທີ່ບໍ່ດີ ຊຶ່ງສາມາດນຳມາເປັນບົດຮຽນຢ່າງແກ່ຜູ້ທີ່ມັກຢືມເງິນຄົນອື່ນ ແລະຄົນທີ່ມີນ້ຳໃຈໃຫ້ໝູ່ຢືມເງິນ.
ຄົນທີ່ເປັນເຈົ້າໜີ້ ຖ້າບໍ່ແມ່ນທະນາຄານ ແຕ່ເປັນຄົນຮູ້ຈັກທຳມະດາ 100 ທັ້ງ100 ກ່ອນຈະເອີ່ຍປາກທວງໜີ້ນຳຄົນທີ່ມາຂໍກໍ່ຄິດຍາກຫຼາຍຫຼົບຫຼາຍຕ່າວ ແຕ່ເມື່ອວັນເວລາເລີຍໄປລູກໜີ້ຍັງເຮັດເສີຍກໍ່ຈຳເປັນທວງຖາມ ເມື່ອມີຄວາມຕ້ອງການໃຊ້ເງິນ.
ກໍລະນີເປັນໝູ່ຄູ່ໃນຍຸກນີ້ເພິ່ນວ່າຖ້າຢາກຊ່ວຍໝູ່ກໍ່ຈົ່ງຊ່ວຍເຂົາດ້ວຍນ້ຳໃສໃຈຈິງມີສ່ຳໃດໃຫ້ສ່ຳນັ້ນຫາກໝູ່ບໍ່ມີເງິນຄືນກໍ່ສະຫຼະສິດໄປ ຖືເປັນການຊ່ວຍເຫຼືອກັນຍາມລຳບາກ, ແຕ່ເພື່ອຄວາມໝັ້ນໃຈຫຼາຍຄົນກໍ່ເຮັດສັນຍາກູ້ຢືມ ແລະກຳນົດເວລາສົ່ງຄືນ ເພື່ອປ້ອງກັນໄວ້ຫາກອີກຝ່າຍບໍ່ປະຕິບັດສັນຍາໃນເບື້ອງຕົ້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment