ເຊື່ອວ່າພວກເຮົາກິນໃນມັງຄຸດແລ້ວເປືອກມັນກໍ່ລົງກະຕ່າຂີ້ເຫຍື້ອ ເພາະຍັງບໍ່ຮູ້ເປືອກມັງຄຸດມີຄຸນເຖິງພຽງນີ້ ເພິ່່ນວ່າເປັນສະໝູນໄພທີ່ຊ່ວຍຮັກສາສີວ ແລະຮອຍດຳຈາກສິວໄດ້ດີທີ່ສຸດ ຜ່ານການທົດລອງສົມທຽບມາແລ້ວ.
ໝາກມັງຄຸດບໍ່ແມ່ນຈະກິນແຊບໄດ້ລົດຊາດເທົ່ານັ້ນ ແຕ່ເປືອກຂອງມັນຍັງສາມາດຊ່ວຍເຮັດໃຫ້ໜ້າໃສ ຫຼຸດບັນຫາສິວໄດ້ດີອີກຕ່າງຫາກ. ເປືອກໝາກມັງຄຸດໄດ້ຮັບການຢັ້ງຢືນວ່າເປັນຢາສະໝູນໄພທີ່ດີຕໍ່ຜີວໜ້າ ໂດຍສະເພາະດີສິວ ຍ້ອນໄດ້ມີຜູ້ຊ່ຽວຊານໄດ້ທຳການທົດລອງແລ້ວຈາກສະໝູນໄພ 19 ຊະນິດ ເປັນຕົ້ນນຳມາທົດສອບໃນການຂ້າເຊື້ອແບັດທີເຣຍທີ່ກໍ່ເປັນສິວ ແລະຍັງອອກລິດຕ້ານເຊື້ອສິວອັກເສບໄດ້ດີ ນອກຈາກນັ້ນຍັງພົບວ່າ ສານສະກັດມັງຄຸດນັ້ນຊ່ວຍຫຼຸດຮອຍແຜເປັນຂອງສິວອັກເສບເກືອບ 80%.
ສຳລັບວິທີນຳໃຊ້ແມ່ນທ່ານຈະເກັບເປືອກມັງຄຸດໄປຕາກໃຫ້ແຫ້ງແລ້ວບົດເອົາເອງ ຫຼື ຈະໄປຊື້ຜົງເປືອກມັງຄຸດທີ່ມີຂາຍຕາມທ້ອງຕະຫຼາດກໍ່ໄດ້ ໂດຍໃຫ້ປະຕິບັດຕາມວິທີລຸ່ມນີ້:
1. ສູດຮັກສາສິວ: ສ່ວນປະສົມປະກອບມີ ຜົງເປືອກມັງຄຸດ ແລະນ້ຳສະອາດ ຈາກນັ້ນໃຫ້ນຳເປືອກມັງຄຸດມາປະສົມກັບນ້ຳສະອາດ ແລ້ວເອົາມາທາໃສ່ບໍລິເວນທີ່ເປັນສີວ2-3 ວັນສິວກໍ່ຈະຍຸບໄປເອງ ແລະຈະບໍ່ກັບມາອີກ.
2. ສູດຄີມພອກໜ້າ: ສ່ວນປະສົມມີຜົງເປືອກມັງຄຸດສົດ, ໂຍເກີດເຄິ່ງຖ້ວຍນ້ອຍ, ນ້ຳເຜິ້ງ 1 ບ່ວງກາເຟ, ນ້ຳໝາກນາວ 2 ບ່ວງກາເຟ ຈາກນັ້ນເອົາມາປະສົມໃຫ້ເຂົ້າກັນກໍ່ໄດ້ຄີມໜ້າຂາວແລ້ວ ກ່ອນໃຊ້ໃຫ້ລ້າງໜ້າໃຫ້ສະອາດ ຈິ່ງນຳຄີມມາພອກໜ້າປະໄວ້ປະມານ 10-20 ນາທີແລ້ວລ້າງອອກ ເມື່ອເຮັດແບບນີ້ຕໍ່ເນື່ອງ 2 ຄັ້ງຕໍ່ອາທິດຈະຊ່ວຍໃຫ້ໜ້າຂາວກ້ຽງຮອຍສີວຫາຍ ແລະຊ່ວຍຫຼຸດການເກີດສິວອີກດ້ວຍ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment