ສະມາຊິກ PS ຢືນຢັນ ຈະໄປຕາມນັດ 11 ກັນຍາ ເຖິງບໍລິສັດອອກມາປະກາດປິດຊົ່ວຄາວ

ຫນ້າເຫັນໃຈ ສະມາຊິກບໍລິສັດ PS ທີ່ຕ້ອງການຖອນເງິນການລົງທຶນຄືນ ແຕ່ກັບຖືກບໍລິສັດປະຕິເສດ ແລະ ຕົວໄປມື້ນັບມື້ນີ້ ເພື່ອຊໍື້ເວລາໃຫ້ຕົນເອງມາໂດຍຕະຫຼອດ.

ສະມາຊີກພີເອສ ຈິ່ງໄດ້ມີການລວມຕົວກັນ ຕັ້ງເຟສ ກຸ່ມທວງເງິນຄືນຈາກ PS ຂຶ້ນມາ ເພື່ອຮວບຮວມ
ສະມາຊິກ. ພ້ອມທັງຂຽນຄໍາຮ້ອງຂໍຄວາມເປັນທຳ ແລະ ຄຳຮ້ອງຟ້ອງ ບໍລິສັດພີເອັສ ເລື່ອງສໍ້ໂກງຊັບພົນລະເມືອງ ເຖິງ ກະຊວງປ້ອງກັນຄວາມສະຫງົບ ເມື່ອເດືອນມິຖູນາ 2017 ແລະຂຽນຄໍາຮ້ອງທຸກເຖິງສະພາແຫ່ງ ຊາດໃນເດືອນດຽວກັນ.

ຈາກມື້ນັ້ນກໍເກືອບ 3 ເດືຶອນແລ້ວ ສະມາຊິກພີເອັສ ບວກວ່າກໍຍັງບໍໄດ້ຮັບຄຳຕອບທີ່ຊັດເຈນຈາກ
ພາກສ່ວນກ່ຽວຂ້ອງ ແລະ ບໍລິສັດພີເອັສກໍຕົວະໄປມື້ນັນມື້ນີ້ວ່າຂະສົ່ງເງິນ ແຕ່ກໍມິດ.
ສະມາຊິກຈິ່ງຕັດສິນໃຈ ຂຽນໃບແຈ້ງນັດພົບ ຄະນະບໍລິຫານບໍລິສັດພີເອັສໃນວັນທີ 6 ກັນຍາ 2017 ໂດຍຂໍນັດພົບກັນວັນທີ 11 ກັນຍາ 2017 ເວລາ 9 ໂມງ.

ແຕ່ມາວັນທີ 8 ກັນຍາ 2017 ບໍລິສັດພີເອັສ ກໍປະກາດປິດສຳນັກງານຊົ່ວຄາວ ເປັນເວລາ1ອາທິດ(8-15) ເພື່ອລີກລຽງການຜະເຊີນຫນ້າກັນ.

ຢ່າງໃດກໍຕາມ ພາຍຫລັງບໍລິສັດພີເອັສອອກມາປະກາດປິດສຳນັກງານ ກຸ່ມທວງເງິນຄືນຈາກ PS ກໍອອກມາປະກາດຢືນຢັນທີ່ຈະໄປຕາມທີ່ນັດໝາຍ ເພາະໄດ້ສົ່ງເອກະສານນັດພົບຖືກຕ້ອງ.

ຂະນະທີ່ສັງຄົມກໍເຫັນໃຈສະມາຊິກພີເອສ ທີ່ອັບປະໂຫຍດ ແລະ ຫວັງວ່າພາກສ່ວນທີ່ກ່ຽວ
ຂ້ອງຈະເລັງແກ້ບັນຫາໄດ້ຢ່າງຖືກຕ້ອງ ແລະ ທັນການ.

ທຫລ ໄດ້ອອກແຈ້ງການສະບັບເລກທີ 335/ຫກ ລົງວັນທີ 2 ມິຖຸນາ 2017 ແຈ້ງເຖິງຜູ້ຈັດການບໍລິສັດ ພີເອັສ ສົ່ງເສີມກະສິກຳ ແລະ ອຸດສະຫະກຳ ຄົບວົງຈອນ ຂາອອກ-ຂາເຂົ້າ ຈຳກັດຜູ້ດຽວ ໃຫ້ສົ່ງເງິນຄືນທັງໝົດແກ່ປະຊາຊົນທີ່ເປັນສະມາຊິກເຂົ້າຮ່ວມທຶນນຳບໍລິສັດ ພາຍໃນກອບເວລາ 1 ເດືອນນັບແຕ່ວັນທີ 6 ມິຖຸນາ 2017 ເຖິງ 6 ກໍລະກົດ 2017 ແລະ ຕ້ອງລາຍງານມາຍັງຫ້ອງການ ທຫລ ຢ່າງເປັນລາຍລັກອັກສອນ;

ພ້ອມທັງໃຫ້ຢຸດຕິການແອບອ້າງເຖິງຂະແໜງການຂອງລັດຈະເຂົ້າໄປຊ່ວຍແກ້ໄຂບັນຫາທາງການເງິນ ເພາະການລະດົມທຶນຂອງບໍລິສັດແມ່ນບໍ່ຖືກຕ້ອງ ແລະ ບໍ່ໄດ້ຮັບການອະນຸຍາດຈາກຂະແໜງການທີ່ກ່ຽວຂ້ອງບໍລິສັດຈຶ່ງຕ້ອງເປັນຜູ້ຮັບຜິດຊອບເອງ

ເບິ່ງແຈ້ງການຕ່າງໆ ຂອງທະນາຄານແຫ່ງສປປລາວ