ຕາມການລາຍງານຂອງ ສະມາຄົມອາສາ ກູ້ໄພ ນະຄອນຫຼວງວຽງຈັນ ໃຫ້ຮູ້ວ່າ: ທ່ານ ສະໝານ ສຸວັນນະສີ ນັກສິລະປິນແຫ່ງຊາດ ໄດ້ເຖິງແກ່ມໍລະນະກຳແລ້ວ ວັນທີ10 ກັນຍາ 2017 ເວລາ3:10ໂມງ ທີ່ບ້ານຂອງເພິ່ນເອງ( ບ້ານອຸດົມຜົນ ເມືອງໄຊທານີ ນະຄອນຫຼວງວຽງຈັນ).
ດັ່ງນັ້ນ, ຈຶ່ງແຈ້ງຂ່າວມາຍັງພໍ່ແມ່ປະຊາຊົນຜູ້ຢູ່ໄກ້ຢູ່ໄກ, ລູກສິດທີ່ໄດ້ຮຽນຮູ້ນຳເພິ່ນໃຫ້ຊາບທົ່ວເຖິງກັນ.
ທ່ານ ສະໝານ ສຸວັນນະສີ ໄດ້ຮັບນາມມະຍົດ ສິລະປິນແຫ່ງຊາດ ສາຂາສິລະປະການສະແດງ ໃນປີ 2011 ເຊິ່ງພິທີມອບຮັບ ມີຂຶ້ນໃນຕອນເຊົ້າມື້ນີ້ 25 ພຶດສະພາ 2011 ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ.
ໃນພິທີອັນປະເສີດນີ້ ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ໃຫ້ກຽດປະດັບນາມະຍົດສິລະປິນແຫ່ງຊາດ ຈຳນວນ 62 ທ່ານ ແລະ ສິລະປິນດີເດັ່ນໃຫ້ແກ່ 87 ທ່ານ ທີ່ມີຜົນງານໂດດເດັ່ນ ຕະຫຼອດໄລຍະທີ່ຜ່ານມາ ໃນ 3 ສາຂາ ຄື: ສາຂາວັນນະກຳ, ສາຂາວິຈິດສິນ ແລະ ສິລະປະການສະແດງ.
ໝໍລໍາ ສະໝານ ສຸວັນນະສີ ເກີດເມື່ອ ວັນທີ 20 ຕຸລາ 1935 ທີບ້ານ ວັງຕໍ່, ຕໍາບົນບ້ານຄໍ້, ອຳເພີເມືອງຈັງຫວັດໜອງຄາຍ ປະເທດໄທ.
ພິທີບໍາເພັນກຸສົນຂອງ ທ່ານສະໝານ ສຸວັນນະສີ ມີຂຶ້ນຢູ່ເຮືອນຂອງຜູ່ກ່ຽວເອງ, ບ້ານອຸດົມຜົນ, ເມືອງໄຊທານີ ນະຄອນຫຼວງວຽງຈັນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment