ເຫດລົດຈັກ+ລົດໃຫຍ່ ເຈັບ1 ທີ່ດອນນົກຂຸ້ມ

ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ລາຍງານວ່າ: ວັນທີ10 ກັນຍາ 2017ເວລາ18:29ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງຜ່ານເບີ1623ວ່າ ມີເຫດລົດຈັກ+ລົດໃຫຍ່.

ຈຸດເກີດເຫດແມ່ນໜ້າຮ້ານບຸບເຟ້ ຄອບຄົວ ບ້ານ ດອນນົກຂຸ້ມ ເມືອງ ສີສັດຕະນາກ ນະຄອນຫລວງ ຄົນເຈັບມີ1ຄົນ ເພດຊາຍ ອາຍຸ20ປີ ບ້ານ ໂສກປ່າຫຼວງ ເມືອງ ສີສັດຕະນາກ ນະຄອນຫຼວງວຽງຈັນ.

ອາການເບື້ອງຕົ້ນ ເຈັບກົກຂາ,ມີບາດເປີດຢູ່ໜ້າແຄ່ງເບື້ອງຂວາ ແລະ ມີບາດແຜຕາມຕົນໂຕ
ດັ່ງນັ້ນຫນ່ວຍກູ້ໄພມູນ ຈຶ່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍເຊດຖາ(ດອນກອຍ).

ອີງຕາມຂໍ້ມູນຈາກກົມໃຫຍ່ຕຳຫລວດຈະລາຈອນ ໄດ້ເປີດເຜີຍເມື່ອບໍ່ນານມານີ້ວ່າ: ໃນໄລຍະ 8 ເດືອນຕົ້ນປີ 2017 ສະຖິຕິອຸປະຕິເຫດ ທີ່ເກີດຂຶ້ນໃນທົ່ວປະເທດ ມີ 3.873 ຄັ້ງ, ມີຄົນເສຍຊີວິດສູງເຖິງ 700 ຄົນ. ໃນນັ້ນ, ມີພາຫະນະເປເພ 7.021 ຄັນ, ເລັກນ້ອຍ 3.262 ຄັນ, ສົມຄວນ 3.532 ຄັນ ແລະ ໃຊ້ການບໍ່ໄດ້ 229 ຄັນ, ມີຄົນບາດເຈັບ 6.402 ຄົນ, ບາດເຈັບເລັກນ້ອຍ 2.865 ຄົນ, ສົມຄວນ 2.623 ຄົນ ແລະ ເຈັບສາຫັດ 914 ຄົນ.

ສຳລັບການເກີດອຸປະຕິເຫດ ຫຼາຍກວ່າຫມູ່ແມ່ນນະຄອນຫລວງວຽງຈັນ, ພຽງ 8 ເດືອນຕົ້ນປີ ໄດ້ມີອຸປະຕິເຫດເກີດຂຶ້ນທັງໝົດ 912 ຄັ້ງ ເສຍຊີວິດ 151 ຄົນ, ຮອງລົງມາແມ່ນ ແຂວງສະຫວັນນະເຂດ 460 ຄັ້ງ ເສຍຊີວິດ 80 ຄົນ ແລະ ແຂວງຈຳປາສັກ 522 ຄັ້ງ ເສຍຊີວິດ 63 ຄົນ.