ສົ່ງກຳລັງໃຈຊ່ອຍເຊຍທີມນັກແລ່ນ 385ກມຂອງພວກເຮົາທີ່ເລີ່ມອອກຈາກນະຄອນຫລວງວຽງຈັນແລ້ວໃນເຊົ້າມື້ນີ້ ທີ 16 ຕຸລາ 2017. ນັກແລ່ນທັງ7 ຈະໃຊ້ໄລຍະເວລາທັງຫມົດ 5ວັນ ໄລຍະທາງ 385ກມ ເພື່ອຈະໃຫ້ເຖິງຈຸດຫມາຍກໍຄື ແຂວງຫລວງພະບາງ.
ກ ານແລ່ນຄັ້ງນີ້ແມ່ນເພື່ອລະດົມທຶນຊ່ວຍເຫລືອໂຮງຫມໍເພື່ອນລາວສຳລັບເດັກນ້ອຍ ທີ່ໃຫ້ການປິ່ນປົວເດັກນ້ອຍທີ່ດ້ອຍໂອກາດຢູ່ພາກເຫນືອຂອງລາວ ໂດຍບໍ່ເສຍຄ່າໃຊ້ຈ່າຍໃດໆ
ຫມູ່ເພື່ອນຍັງສາມາດປະກອບສ່ວນເຂົ້າໃນໂຄງການນີ້ໄດ້ຜ່ານການບໍລິຈາກ ເພື່ອມອບໂອກາດ ແລະ ຄຸນນະພາບຊີວິດທີ່ດີໃຫ້ແກ່ເດັກນ້ອຍລາວເຮົາ.
ສໍາລັບການແລ່ນຄັ້ງນີ້ ແບ່ງອອກເປັນ 2 ກຸ່ມ ໂດຍເລີ່ມອອກເດີນທາງໃນມື້ນີ້ໄປຈົນເຖິງວັນທີ 20 ຕຸລານີ້ ໂດຍກຸ່ມທໍາອິດມີນັກແລ່ນຫຼັກ 3 ທ່ານຄື: ທ່ານ ຄາໂລ ບາຄາລາ ນັກແລ່ນມາຣາທອນ ຊາວຟິລິບປິນ, ທ່ານ ດານຽວ ໂອເຊ ນັກແລ່ນວິບາກ ແລະ ອັນຕຣາ ມາຣາທອນ ຊາວເຢຍລະມັນ ແລະ ທ່ານ ອິນທີ ເດືອນສະຫວັນ ນັກທຸລະກິດ ທັງເປັນນັກກີລາໄອຣອນແມນ ຫຼື ໄຕກີລາຊາວລາວ ເຊິ່ງນັກແລ່ນທັງ 3 ທ່ານ ຈະແລ່ນດ້ວຍໄລຍະທາງສະເລ່ຍ 75-80 ກິໂລແມັດ.
ສ່ວນກຸ່ມທີສອງ ປະກອບມີ 4 ຄົນ ຄື: ນາງ ສົມເພັດ ວຽງດາລາ ນາງ ຈູບີ່ ດາລູວັນ ສະມາຊິກທີມວີຣັນ ທ້າວ ພູເຂົາ ພົມມາ ພະນັກງານບໍລິສັດ ລາວໂທລະຄົມ ແລະ ທ້າວ ບັນເດີ ນັກແລ່ນຊາວຟິລິບປິນ ເຊິ່ງທັງ 4 ຄົນ ຈະແລ່ນ 20 ກມ ຕໍ່ຄົນ ຫຼື ແລ່ນຜັດປ່ຽນກັນໃນໄລຍະທາງ 80 ກມ ຕໍ່ມື້.
ຂອບໃຈຮູບ-ວີດີໂອຈາກ: Team We Run
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment