ວັນທີ 12 ຕຸລາ ນີ້ທີ່ກອງບັນຊາການ ປກສ ແຂວງສະຫວັນນະເຂດ, ທ່ານ ຮອ ສອນເພັດ ແກ້ວວິໄລ ຕາງໜ້າຫ້ອງຕຳຫຼວດສັນຕິບານໄດ້ມອບພຣະພຸດທະຮູບຂະໜາດນ້ອຍ, ໃຫຍ່ອົງປາງຕ່າງໆທີ່ນຳເຂົ້າຜິດກົດໝາຍໃຫ້ແກ່ຂະແໜງວັດທະນະທຳ ພະແນກ ຖວທ ແຂວງສະຫວັນນະເຂດ.
ພຣະພຸດທະຮູບທີ່ມອບໃນຄັ້ງນີ້ ມີຂະໜາດນ້ອຍຈຳນວນ 140 ກວ່າອົງ, ຂະໜາດກາງ 26 ອົງ ແລະ ຂະ ໜາດໃຫຍ່ 27 ອົງ, ລວມພຣະພຸດທະຮູບທັງໝົດເກືອບ 200 ອົງ.
ນອກນັ້ນຍັງມີວັດຖຸມົງຄຸນອີກຈຳນວນໜຶ່ງ; ອີງຕາມດຳລັດເລກທີ 217/ລບ ວ່າດ້ວຍວິຈິດສິນ ໝວດທີ 3 ມາດຕາ 22 ກ່ຽວກັບການສົ່ງອອກ-ນຳເຂົ້າ, ໂຄສະນາເຜີຍແຜ່ ຫຼືຈຳໜ່າຍ: ການສົ່ງອອກ-ນຳເຂົ້າ, ໂຄສະນາເຜີຍແຜ່ ຫຼືຈຳໜ່າຍຜົນງານ ແລະ ຜະລິດຕະພັນສິນຂອງຕ່າງປະເທດຕ້ອງໄດ້ຜ່ານການກວດກາ ແລະ ໄດ້ຮັບອະນຸຍາດຈາກຂະແໜງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.
ຜົນງານ ແລະ ຜະລິດຕະພັນສິນຂອງຕ່າງປະເທດ ໂດຍສະເພາະພຣະພຸດທະຮູບ ຫຼືເປັນວັດຖຸທີ່ບໍ່ສອດຄ່ອງກັບວັດທະນະທຳ, ຮີດຄອງປະເພນີອັນດີງາມຂອງຊາດລາວແມ່ນບໍ່ອະນຸຍາດໃຫ້ນຳເຂົ້າ, ໂຄສະນາ, ເຜີຍແຜ່ ຫຼືຈຳໜ່າຍແຕ່ຢ່າງໃດ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment