ທ່ານທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ກອງປະຊຸມສະພາໃນມື້ວານນີ້ວ່າ ເສດຖະກິດ ປີນີ້ຄາດວ່າຈະເຕີິບໄດ້ພຽງ6,83% ຂະນະທີ່ຄາດໝາຍທີ່ສະພາແຫ່ງຊາດຮັບຮອງແມ່ນ7%. ສ່ວນການເກັບລາຍຮັບນັ້ນ ທ່ານຮອງນາຍົກ ກ່າວວ່າຫນ້າຈະປະຕິບັດໄດ້ປະມານ98,1%ຂອງແຜນການ.
ທ່ານນນາຍົກກ່າວຕື່ມວ່າ: ຜ່ານການຈັດຕັ້ງປະຕິບັດວຽກງານໃນປີ 2017 ຂອງລັດຖະບານ ໃນໄລຍະຜ່ານມາເຫັນໄດ້ວ່າມີຫຼາຍວຽກງານທີ່ຍັງເປັນບັນຫາຄົງຄ້າງ ແລະ ທ້າທາຍທີ່ຍັງບໍ່ສາມາດຈັດຕັ້ງປະຕິບັດໄດ້ ເປັນຕົ້ນແມ່ນບາງຕົວເລກດັດແກ່ທີ່ສະພາຮັບຮອງ ໃນກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ໃນເດືອນຕຸລາ ຂອງປີຜ່ານມາ, ອັນເປັນບັນຫາທີ່ສະສົມ ແລະ ກໍ່ຮ່າງສ້າງຕົວມາດົນ, ພ້ອມເປັນຄວາມສ່ຽງ, ເປັນສິ່ງກີດຂວາງ ແລະ ຖ່ວງດຶງ ການຈັດຕັ້ງປະຕິບັດແຜນການພັດທະນາເສດເຖະກິດ-ສັງຄົມ ບໍ່ບັນລຸຕາມຕົວເລກຄາດໝາຍ.
ເຖິງວ່າລັດຖະບານອາດຈະບໍ່ບັນລຸຄາດໝາຍຂອງປີ 2017 ຢ່າງສົມບູນ 100% ຍ້ອນມີຄວາມຮັບຜິດຊອບຕໍ່ພັກ, ຕໍ່ສະພາແຫ່ງຊາດ ລັດຖະບານຈະຍັງບໍ່ທັນສະເໜີດັດແກ້ຕໍ່ສະພາເທື່ອ, ມີແຕ່ຈະເພີ່ມຄວາມພະຍາຍາມ, ບຸກບືນ ແລະ ປັບປຸງແກ້ໄຂບັນດາຂໍ້ຄົງຄ້າງ ແລະ ກຽມພ້ອມຮັບມືກັບ ບັນດາສິ່ງທ້າທາຍ ທີ່ກ່າວມານັ້ນ ແລະ ເພື່ອປະຄັບປະຄອງເສດຖະກິດມະຫາພາກບໍ່ໃຫ້ເກີດມີຄວາມທ້າທາຍຫຼາຍກວ່ານີ້ ແລະ ເປັນກຳລັງແຮງໃຫ້ແກ່ການແກ້ໄຂບັນຫາບອບບາງຂອງເສດຖະກິດໃນຊຸມປີຕໍ່ໜ້າ.
ດັ່ງນັ້ນ,ລັດຖະບານກໍ່ເຫັນວ່າມີຄວາມຈຳເປັນຕ້ອງສືບຕໍ່ແກ້ໄຂໃຫ້ຕົກໄປເປັນກ້າວໆ ເພື່ອຈະສາມາດຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃຫ້ບັນລຸຕາມຄາດໝາຍຂອງແຜນການ ທີ່ສະພາແຫ່ງຊາດໄດ້ຮັບຮອງໄວ້ກໍ່ຄື: ອັດຕາການຂະຫຍາຍຕົວຂອງເສດຖະກິດມະຫາພາກ ໃນປີ 2018 ເຕີບໂຕໃນລະດັບ 7% ຕໍ່ປີ.
ສ່ວນການເກັບລາຍຮັບທ່ານ ສົມດີດວງດີ ຮອງນາຍົກລັດຖະມົນຕີ ລັດຖະມົນຕີການເງິນ ກ່າວວ່າ: ລາຍຮັບທັງໝົດຄາດຄະເນ ຈະໄດ້ປະມານ 23.489 ຕື້ກີບ ເທົ່າກັບ 98,1% ຂອງແຜນການປີ; ໃນນັ້ນ ລາຍຮັບຊ່ວຍເຫຼືອລ້າ 103% ຂອງແຜນການປີ ແລະ ລາຍຮັບພາຍໃນ 20.923 ຕື້ກີບ ເທົ່າກັບ 97,5% ຂອງແຜນການປີ; ລາຍຮັບໄດ້ຈາກຂະແໜງການ ສ່ວຍສາອາກອນຄາດຄະເນ ຈະໄດ້ 95% ຂອງແຜນການປີ, ພາສີ ຈະໄດ້ 100%, ຄຸ້ມຄອງພັດທະນາລັດວິສາຫະກິດ ແລະ ການປະກັນໄພ 103%, ຄຸ້ມຄອງຊັບສິນຂອງລັດ 95% ຂອງແຜນການປີ ແລະ ລາຍຮັບອື່ນໆ 49,2 ຕື້ກີບ.
ຂະນະທີ່ການລົງທຶນໃນ6 ເດືອນຕົ້ນປີ2017 ຖືວ່າຍັງເປັນໄປໃນທິດທາງບວກເຊິ່ງທ່ານ ສຸພັນ ແກ້່ວມີໄຊ ລັດຖະມົນຕີກະຊວງແຜນການແລະການລົງທຶນ ກ່າວວ່າ: ໃນ 6 ເດືອນຕົ້ນປີ ໄດ້ອະນຸຍາດການລົງທຶນທັງໝົດທັງສູນກາງ ແລະ ທ້ອງຖິ່ນ ມີຈຳນວນ 3.151 ໂຄງການ, ມູນຄ່າທຶນຈົດທະບຽນ 6.148 ລ້ານໂດລາສະຫະລັດ ຫຼື ປະມານ 51.588 ຕື້ກີບ. ສຳລັບທຶນທີ່ປະຕິບັດຕົວຈິງໃນປີ2017 ນີ້ປະມານ 1.970ລ້ານໂດລາສະຫະລັດ ຫຼື ເທົ່າກັບ 16.530ຕື້ກີບລື່ນແຜນ 10%(ມະຕິສະພາ 14.474 ຕື້ກີບ),
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment