ປະຕິບັດຕາມບົດບັນທຶກກອງປະຊຸມອົງການປົກຄອງເມືອງແກ່ນທ້າວ ສະບັບເລກທີ 449/ຫວມ, ລົງວັນທີ 2 ຕຸລາ 2017, ບົດບັນທຶກກອງປະຊຸມຄະນະກໍາມະການຕ້ານ ແລະ ແກ້ໄຂປະກົດການຫຍໍ້ທໍ້ໃນສັງຄົມ ຄັ້ງວັນທີ 3 ຕຸລາ 2017 ແລະ ບົດບັນທຶກກອງປະຊຸມປືກສາຫາລືກ່ຽວກັບການດຳເນີນກິດຈະການກິນດື່ມ-ບັນເທິງ ຢູ່ພາຍໃນເມືອງແກ່ນທ້າວ ຄັ້ງວັນທີ 12 ຕຸລາ 2017, ເຫັນວ່າໄລຍະຜ່ານມາປະກົດການຫຍໍ້ທໍ້ທາງສັງຄົມໄດ້ເກີດຂຶ້ນອັນເປັນໜໍ່ແໜງຂອງຄວາມບໍ່ສະຫງົບໃນສັງຄົມ.
ດ້ວຍເຫດນີ້ ກອງປະຊຸມອົງການປົກຄອງເມືອງແກ່ນທ້າວ ໄດ້ມີຄວາມຄິດເຫັນເປັນເອກະພາບກັນໃນການແກ້ໄຂປະກົດການຫຍໍ້ທໍ້ໃນສັງຄົມ ແລະ ໄດ້ມອບຄວາມຮັບຜິດຊອບໃຫ້ຄະນະກຳມະການຕ້ານ ແລະ ແກ້ໄຂປະກົດການຫຍໍ້ທໍ້ໃນສັງຄົມ ນຳໄປຄົ້ນຄວ້າປືກສາຫາລື ແລະ ຫາທາງແກ້ໄຂບັນຫາດັ່ງກ່າວ, ເຊິ່ງທາງຄະນະກຳມະການຕ້ານ ແລະ ແກ້ໄຂປະກົດການຫຍໍ້ທໍ້ໃນສັງຄົມ ໄດ້ມີກອງປະຊຸມປືກສາຫາລືກັນເຖິງສອງຄັ້ງ ແລ້ວມອບຄວາມຮັບຜິດ ຊອບໃຫ້ຂະແໜງການທີ່ກ່ຽວຂ້ອງ ຄື: ກອງບັນ ຊາການ ປສກ ເມືອງ, ຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວ, ຫ້ອງການ ການເງິນ ແລະ ຫ້ອງການອຸດສາຫະກຳ ແລະ ການຄ້າ ໄປຈັດຕັ້ງປະຕິບັດ ແລະມາໃນວັນທີ 17-18 ຕຸລາ 2017 ນີ້,
ທາງຫ້ອງການທີ່ກ່ຽວຂ້ອງປະກອບມີ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຫ້ອງການອຸດສາຫະກຳ ແລະ ການຄ້າ ແລະ ຫ້ອງການການເງິນເມືອງ ສົມທົບກັບອຳນາດການປົກຄອງບ້ານທີ່ກ່ຽວຂ້ອງລົງກວດກາຕົວຈິງ ແລະ ເຮັດບົດບັນທຶກກັບຜູ້ປະກອບການດ້ານກິນດື່ມ-ບັນເທິງ ທີ່ເປັນສາເຫດໜຶ່ງຂອງການກໍ່ໃຫ້ເກີດມີຄວາມບໍ່ສະຫງົບໃນສັງຄົມ ແລະ ດຳເນີນທຸລະກິດບໍ່ຖືກເປົ້າໝາຍໃຫ້ຢຸດເຊົາກິດຈະການ ແລ້ວຫັນໄປເຮັດບໍລິການດ້ານອື່ນ ທີ່ເຫັນວ່າປອດໄພ, ບໍ່ມີຄວາມສ່ຽງທີ່ຈະນຳຜົນເສຍຫາຍມາໃຫ້ແກ່ຕົນເອງ, ສັງຄົມ ແລະ ອຳນາດການປົກຄອງທຸກຂັ້ນ ເຊິ່ງຫົວໜ່ວຍທຸລະກິດທີ່ເປັນເປົ້າໝາຍທັງໝົດ 10 ຮ້ານ, ໄດ້ເຮັດບົດບັນທຶກຢຸດເຊົາການບັນ ເທິງ ຈຳນວນ 8 ຮ້ານ, ສ່ວນສອງຮ້ານ ແມ່ນຢຸດເຊົາໄປກ່ອນໜ້ານີ້ແລ້ວ.
ທີ່ມາຂ່າວ : medailaos
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment