ເວລາປະມານ 12:00 ໂມງ ວັນທີ 18/10/2017 ໄດ້ເກີດອຸປະຕິເຫດລົດຈັກບີກໄບຄັນໜຶ່ງແລ່ນດ້ວຍຄວາມໄວ ໄດ້ໄປຕຳກັບລົດຮຸນໄດຈົນລໍ້ໜ້າຂາດກະເດັນອອກໄປສ່ວນຄົນຂັບ ເສຍຊີວິດຄາທີ່ 1 ຄົນ ເຫດເກີດຢູ່ ບ້ານຫນອງຫີນ ເມືອງປາກຊ່ອງ(ບໍລິເວນໜ້າບໍລິສັດປາກຊອງໄຮແລນ) ແຂວງຈຳປາສັກ.
ຫຼັງຈາກກວດສອບເອກະສານປະຈຳຕົວຈຶ່ງໄດ້ຮູ້ວ່າຜູ້ປະສົບອຸປະຕິເຫດຄັ້ງນີ້ແມ່ນນັກທ່ອງທ່ຽວຈາກປະເທດເພື່ອນບ້ານ(ໄທ) ຊຶ່ງທາງເຈົ້າໜ້າທີ່ແມ່ນກຳລັງກວດສອບ ແລະ ປະສານງານຕິດຕໍ່ຫາຍາດພີ່ນ້ອງຜູ້ເສຍຊີວິດ ເພື່ອມາຮັບສົບກັບບ້ານ.
ບ້ານເຮົາທຸກວັນນີ້ລົດຈັກບີກໄບແມ່ນມີຫຼາຍຂຶ້ນ ການຂັບຂີ່ກໍ່ໄວກວ່າປົກກະຕິ ແລະທີ່ຜ່ານມາອຸປະຕິເຫດທີ່ເກີດຂຶ້ນກັບຄົນຂີ່ບີກໄບກໍ່ມີຫຼາຍພໍສົມຄວນ ຍ້ອນຄວາມໄວ ຂະນະທີ່ການຂັບຂີ່ບ້ານເຮົາບໍ່ຄ່ອຍເປັນລະບຽບແດ່ ການເລັ່ງຄວາມໄວຫຼາຍເກີນໄປຈິ່ງເຮັດໃຫ້ມີຄວາມສ່ຽງທີ່ຈະເກີດການຕຳກັນໄດ້ງ່າຍຂຶ້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment