ຢາກສຳຜັດບັນຍາກາດໜ້າຕື່ນເຕັ້ນຕ້ອງໄປທີ່ນີ້

ຕ້ອງຍອມຮັບໃນສີສັນ ແລະຄວາມສາມາດ ແນວຄິດສ້າງສັນຂອງຈີນ ນີ້ເປັນຂົວ 3 ມິຕິທີ່ສ້າງຂຶ້ນໃໝ່ໂດຍການແຕ້ມພາບລວງຕາ ເຫຼົ່ານີ້ໃສ່ກ້ອງຂົວທີ່ເຮັດດ້ວຍແກ້ວໃສ ເພື່ອເພີ່ມຄວາມຕື່ນເຕັ້ນໃຫ້ນັກທ່ອງທ່ຽວ.

ຂົວທີ່ວ່ານີ້ແມ່ນເພີ່ນສ້າງໃນລັກນະນະເປັນຂົວອູ່ຂ້າມແມ່ນ້ຳເຫຼືອງ ທີ່ພາກໃຕ້ດ້ານຕາເວັນຕົກຂອງຈີນໃນເຂດໜິງເຊຍ, ຂົວແຫ່ງນີ້ມີລວງຍາວ 210 ແມັດສ້າງສຳລັບການທ່ອງທ່ຽວໂດຍສະເພາະ ແຕ່ເມື່ອກ່ອນແມ່ນປະຊາຊົນສ້າງເປັນຂົວໄມ້ສຳລັບຂ້າມນ້ຳໄປ-ມາ, ເມື່ອເສດຖະກິດດີຂຶ້ນ ນັກລົງທຶນກໍ່ມາປ່ຽນແທນດ້ວຍການນຳໃຊ້ວັດຖຸເຄື່ອງມືທີ່ທັນສະໄໝ ແລະເອົາແກ້ວໃສມາແທນໄມ້ທີ່ເກົ່າແກ່ຊຸດໂຊມແລ້ວ.

ເພິ່ນວ່າຜູ້ໃດໄດ້ໄປໜິງເຊຍຕ້ອງໄປຂຶ້ນຂົວແກ້ວ 3 ມິຕິ ຮັບຮອງໄດ້ສຳຜັດຄວາມວາດສຽວຕື່ນເຕັ້ນ ແລະປະສົບການດ້ານການທ່ອງທ່ຽວທີ່ບໍ່ເຄີຍມີແນ່ນອນ ແຕ່ຢ່າລືມຜູ້ໃຈນ້ອຍຢ່າຂຶ້ນດີກວ່າ ເປັນຫ່ວງວ່າຈະໄປບໍ່ເຖິງຝັ່ງ!!!!!