ການຄັດເລືອກນັກເຕະທີມຊາດລາວ U-16 ຕະຫຼອດໄລຍະ 5 ວັນທີ່ຜ່ານມາ ເຕັມໄປດ້ວຍບັນຍາກາດຄຶກຄັກ ແລະ ເຂັ້ມຂຸ້ນ, ເຊິ່ງມື້ດັ່ງກ່າວທີມຄະນະຄູຝຶກຈະມີການຄັດເລືອກເອົາ 25 ຄົນສຸດທ້າຍກ່ອນ ແລະ ຈະມີການຄັດເລືອກອີກຕາມລຳດັບ.
ການຄັດເລືອກໄດ້ຈັດຂຶ້ນໃນລະຫວ່າງ ວັນທີ 15-20 ມັງກອນ 2018 ຢູ່ທີ່ສູນຝຶກ ສະຫະພັນບານເຕະແຫ່ງຊາດລາວ ບ້ານ ຫ້ວຍຫົງ ເມືອງ ຈັນທະບູລີ ນະຄອນຫລວງວຽງຈັນ ໃນເວລາ 16:00 – 18:30 ໂມງ, ເຊິ່ງມື້ນີ້ວັນທີ 20 ມັງກອນ ຈະເປັນໂອກາດສຸດທ້າຍຂອງ 25 ນັກເຕະ ໃນການສະແດງຄວາມສາມາດໃຫ້ເຂົ້າຕາຄູຝືກ ເພື່ອຈະຄັດເລຶອກເປັນຄັ້ງສຸດທ້າຍ ( ຖ້າໄດ້ຜົນແອັດມິນນົກຈະລາຍງານໃຫ້ຊາບພາຍຫຼັງ).
ອີງຕາມແຜນການເຄື່ອນໄຫວຂອງ ສະຫະພັນບານເຕະແຫ່ງຊາດລາວ ປະຈຳປີ 2018 ສຕລ ມີ ຈຸດປະສົງຄັດເລືອກນັກກິລາທີ່ມີ ພອນສະຫວັນ ແລະ ທັກສະ ເພື່ອກະກຽມນັກກິລາ ທີມບານເຕະຊາຍທີມຊາດລາວ ຮຸ່ນອາຍຸ 16 ປີ ເຂົ້າຮ່ວມການແຂ່ງຂັນລາຍການ Japan-ASEAN U-16 Football Exchange Programe 2018 ເຊິ່ງຈະໄດ້ຈັດຂຶ້ນໃນວັນທີ 06-15 ມີນາ 2018 ຢູ່ທີ່ແຂວງ ມີຢາຊະກິ ( MIYAZAKI ) ປະເທດຍີ່ປຸ່ນ.
ຂອບໃຈພາບຈາກ: ສະຫະພັນບານເຕະແຫ່ງຊາດລາວ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment