ການແຕ່ງຕັ້ງ-ຍົກຍ້າຍ ແລະ ສັບປ່ຽນໜ້າທີ່ບ່ອນປະຈຳການຂອງພະນັກງານ
ໃນປີ 2017 ໄດ້ດຳເນີນໄປຕາມຄວາມຮຽງຮ້ອງຕ້ອງການຂອງວຽກງານຕົວຈິງ
ເພື່ອໃຫ້ແທດເໝາະ ແລະ ສອດຄ່ອງກັບແນວທາງນະໂຍບາຍປ່ຽນແປງໃໝ່ຂອງພັກ-ລັດ
ແນໃສ່ເພີ່ມປະສິດທິພາບວຽກງານໃຫ້ນັບມື້ສູງຂຶ້ນ ໂດຍໃນປີ 2017
ໄດ້ມີການແຕ່ງຕັ້ງ ແລະ ຍົກຍ້າຍພະນັກງານ ສະເພາະຂັ້ນສູນກາງຄຸ້ມຄອງ
ທັງໝົດ 499 ສະຫາຍ ຍິງ 39 ສະຫາຍ ໃນນີ້ມີເບື້ອງພັກ ທັງໝົດ 261 ສະຫາຍ ຍິງ
27 ສະຫາຍ ເບື້ອງລັດ 167 ສະຫາຍ ຍິງ 12 ສະຫາຍ ແລະ
ໄດ້ຄົ້ນຄວ້າສະເໜີຂັ້ນເທິງເລື່ອນຊັ້ນນາຍທະຫານ ແລະ ຕຳຫຼວດ ຈຳນວນ 71
ສະຫາຍ.
ກອງປະຊຸມສະຫຼຸບວຽກງານຈັດຕັ້ງປະຈຳປີ 2017 ວັນທີ 3-5 ມັງກອນ 2018
ຢູ່ທີ່ຄະນະຈັດຕັ້ງສູນກາງພັກ ເປັນປະທານໂດຍສະຫາຍ ຈັນສີ ໂພສີຄຳ
ກຳມະການກົມການເມືອງສູນກາງພັກ ຫົວໜ້າຄະນະຈັດຕັ້ງສູນກາງພັກ
ມີບັນດາຮອງເລຂາສະມາຊິກພັກ ແລະ ພະນັກງານຫຼັກແຫຼ່ງກ່ຽວຂ້ອງເຂົ້າຮ່ວມ.
ສະຫາຍ ວັນໄຊ ພອງສະຫວັນ ຮອງເລຂາຄະນະພັກ
ຮອງຫົວໜ້າຄະນະຈັດຕັ້ງສູນກາງພັກ
ໄດ້ຜ່ານຮ່າງບົດສະຫຼຸບຕີລາຄາສະພາບການຈັດຕັ້ງປະຕິບັດ
ມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X ໄລຍະ 1 ປີຜ່ານມາ
(2017) ແລະ ທິດທາງແຜນການປີ 2018 ຈາກນັ້ນ
ຜູ້ເຂົ້າຮ່ວມໄດ້ພ້ອມກັນປະກອບຄຳເຫັນຢ່າງກົງໄປກົງມາ
ໃສ່ຮ່າງບົດສະຫຼຸບດັ່ງກ່າວ ເຊິ່ງໃນປີ 2017
ຄະນະຈັດຕັ້ງສູນກາງພັກ
ໄດ້ເອົາໃຈໃສ່ຈັດຕັ້ງຜັນຂະຫຍາຍກົດລະບຽບພັກ ສະໄໝທີ X
ຄຳສັ່ງວ່າດ້ວຍການດຳເນີນຊີວິດການເມືອງ ປັບປຸງປົວແປງທົ່ວພັກ ປີ 2017
ກໍ່ຄືມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X ແລະ
ບົດໂອ້ລົມຂອງສະຫາຍເລຂາທິການໃຫຍ່ ຄະນະບໍລິຫານງານສູນກາງພັກ
ເອົາໃຈໃສ່ປະຕິບັດວຽກງານກໍ່ສ້າງພັກ
ໂດຍຄະນະພັກແຕ່ລະຂັ້ນໄດ້ເປັນເຈົ້າການສຶກສາອົບຮົມແນວຄິດ-ການເມືອງ
ຕ້ານປາກົດການຫຍໍ້ທໍ້ຕ່າງໆທີ່ເກີດຂຶ້ນໃນກົງຈັກການຈັດຕັ້ງ ແລະ
ຖັນແຖວສະມາຊິກພັກ-ພະນັກງານ .
ປັດຈຸບັນ
ມີໜ່ວຍພັກຖືກຮັບຮອງເປັນໜ່ວຍພັກເຂັ້ມແຂງ-ຮູ້ນຳພາ ຮອບດ້ານຈຳນວນ
11.359 ໜ່ວຍ ທົ່ວປະເທດມີສະມາຊິກພັກທັງໝົດ 302.537 ສະຫາຍ ຍິງ 71.180
ສະຫາຍ ເພີ່ມຂຶ້ນຈາກປີ 2016 21.524 ສະຫາຍ ອອກບັດໃຫ້ສະມາຊິກພັກສົມບູນ
36.529 ສະຫາຍ
ດຳເນີນການທົດລອງການສ້າງແຜນກຳນົດພະນັກງານຳພາ-ຄຸ້ມຄອງຢູ່ຂັ້ນບ້ານສຳເລັດ
14 ບ້ານ ໃນ 14 ແຂວງ ແລະ ນະຄອນຫຼວງວຽງຈັນ
ຄັດເລືອກເອົາພະນັກງານນຳພາ-ຄຸ້ມຄອງໄປກໍ່ສ້າງບຳລຸງ ທັງໝົດ 1.172
ສະຫາຍ ຍິງ 210 ສະຫາຍ ໃນນັ້ນ ຢູ່ພາຍໃນ 466 ສະຫາຍ ແລະ ຕ່າງປະເທດ 706 ສະຫາຍ
ຄຽງຄູ່ກັນນັ້ນ
ຍັງໄດ້ເອົາໃຈໃສ່ຈັດຕັ້ງປະຕິບັດວຽກງານນະໂຍບາຍຕໍ່ພະນັກງານ
ເຊິ່ງໃນປີ 2017 ສາມາດຄົ້ນຄວ້າປະຕິບັດນະໂຍບາຍໃຫ້ພະນັກງານ-ລັດຖະກອນ
ອອກພັກການ-ຮັບອຸດໜູນບຳນານ ຈຳນວນ 2.242 ສະຫາຍ ໃນນັ້ນ
ມີພະນັກງານຂັ້ນສູນກາງຄຸ້ມຄອງ 28 ສະຫາຍ.
ແຫລ່ງທີ່ມາຈາກhttps://www.vientianemai.net
-----------------
Laos Update : ໃຫ້ທ່ານຫຼາຍກວ່າຂ່າວ
About
Laos Postcard - Noy
0 comments:
Post a Comment