ຂປລ.ໃນປີ 2017 ຜ່ານມາ, ລັດຖະບານໄດ້ເອົາໃຈໃສ່ພັດທະນາ ແລະ ຄຸ້ມຄອງເຂດເສດຖະ ກິດພິເສດ (ຂພສ) ຢ່າງຕັ້ງໜ້າ, ເຊິ່ງສາມາດດຶງດູດນັກລົງທຶນພາກເອກະຊົນ ທັງພາຍໃນ ແລະ ຕ່າງປະເທດ ໄດ້ທັງໝົດ 51 ບໍລິສັດ, ມີມູນຄ່າການລົງທຶນທັງໝົດ 121 ລ້ານກວ່າໂດລາສະຫະລັດ. ໃນນັ້ນ, ມີການລົງທຶນຂອງພາຍໃນ 5 ບໍລິສັດ, ຕ່າງປະເທດ 45 ບໍລິສັດ ແລະ ພາຍໃນຮ່ວມກັບຕ່າງປະເທດ 1 ບໍລິສັດ. ອີງຕາມແຫລ່ງຂ່າວ ແຜນພັດທະນາ ເສດຖະກິດ-ສັງຄົມ ຂອງລັດຖະບານ ປີ 2017.
ລາຍງານຂອງລັດຖະບານລະບຸວ່າ: ການລົງທຶນຂອງພາກເອກະຊົນດັ່ງກ່າວ, ສ່ວນໃຫຍ່ແມ່ນຂະ ແໜງການບໍລິການ ກວມ 44%, ການຄ້າ 42% ແລະ ຂະແໜງອຸດສາຫະກຳ 16%. ສຳລັບລາຍຮັບຈາກການປະຕິບັດພັນທະຕ່າງໆ 6 ເດືອນຕົ້ນປີ 2017 ມອບເຂົ້າງົບປະມານ ປະຕິບັດໄດ້ 752.194 ໂດລາສະຫະລັດ, ເຊິ່ງມີຄ່າສຳປະທານທີ່ດິນ, ອາກອນເງິນເດືອນ, ອາກອນກຳໄລ, ອາກອນມູນຄ່າເພີ່ມ, ອາກອນຊົມໃຊ້, ຄ່າທຳນຽມ ແລະ ຄ່າບໍລິການ. ຄາດຄະເນໝົດປີ ຈະສາມາດເກັບລາຍຮັບຈາກການປະຕິບັດພັນທະຕ່າງໆ ເຂົ້າງົບປະມານ 6,5 ລ້ານໂດລາສະຫະລັດ.
ຂພສ ສາມາດສົ່ງອອກສິນຄ້າ ມູນຄ່າທັງໝົດ 200 ລ້ານກວ່າໂດລາສະຫະລັດ, ຄາດຄະເນໝົດປີ ຈະໄດ້ 375 ລ້ານໂດລາສະຫະລັດ. ໃນຂະນະທີ່ ການນຳເຂົ້າສິນຄ້າວັດສະດຸ ແລະ ອຸປະກອນກໍ່ສ້າງ ມູນຄ່າ 300 ລ້ານໂດລາສະຫະລັດ, ໝົດປີຈະມີມູນຄ່າ 700 ລ້ານໂດລາສະຫະລັດ. ໃນໄລຍະຜ່ານມາລັດຖະບານ ໄດ້ມີການປັບປຸງຮ່າງດຳລັດວ່າດ້ວຍ ຂພສ ເພື່ອກະກຽມກຽມລົງເກັບກຳຂໍ້ມູນ ທີ່ປະກອບສ່ວນການ ຂະຫຍາຍຕົວຂອງຈີດີພີ, ທັງປະເມີນການຈັດຕັ້ງປະຕິບັດຂອງບັນດາ ຂພສ. ພ້ອມນັ້ນ, ໄດ້ສະ ເໜີການສ້າງຕັ້ງ ອຸດສາຫະກຳນິເວດວິທະຍາ ຢູ່ເມືອງເຊໂປນ ແຂວງ ສະຫວັນນະເຂດ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment