ຕາມຂ່າວຈາກຊີອາໄອໃຫ້ຮູ້ວ່າ: ຕາມເວລາທ້ອງຖິ່ນ 10 ໂມງຕອນເຊົ້າວັນທີ 9 ມັງກອນນີ້, ຜູ້ແທນຈາກ ສ ເກົາຫຼີ ແລະ ສປປ ເກົາຫຼີໄດ້ຈັດການເຈລະຈາລະດັບສູງຢູ່ "ເຮືອນສັນຕິພາບ" ໃນເຂດປານມູນຈອມເບື້ອງ ສ ເກົາຫຼີ, ປຶກສາຫາລືບັນຫາສຳຄັນຕ່າງໆ ຄື ຄະນະນັກກິລາ ສປປ ເກົາຫຼີຈະເຂົ້າຮ່ວມງານໂອແລມປິກລະດູໜາວພຽງຊາງ,ການປັບປຸງສາຍພົວພັນສອງປະເທດ ແລະອື່ນໆ.
ນີ້ເປັນການເຈລະຈາລະຫວ່າງລັດຖະບານສອງປະເທດເທື່ອທຳອິດພາຍຫຼັງການເຈລະຈາລະດັບຮອງລັດຖະມົນຕີທັງສອງປະເທດໃນເດືອນທັນວາປີ 2015.
ແຕ່ລະຝ່າຍກໍມີຄະນະຜູ້ແທນ 5 ຄົນເຂົ້າຮ່ວມ, ຫົວໜ້າຄະນະຜູ້ແທນ ສ ເກົາຫຼີນຳໂດຍທ່ານໂຈມິງຈຸ່ນ ລັດຖະມົນຕີກະຊວງທ້ອນໂຮມປະເທດເປັນເອກະພາບ ສ ເກົາຫຼີ ແລະຫົວໜ້າຄະນະຜູ້ແທນ ສປປ ເກົາຫຼີນຳໂດຍທ່ານລີເຊນກວັນ ຫົວໜ້າຄະນະກຳມະການທ້ອນໂຮມປະເທດຊາດເປັນເອກະພາບໂດຍສັນຕິ ສປປ ເກົາຫຼີ.
ຮູບ: AP
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment