ທີ່ຜ່ານມາຫຼາຍປະເທດເຖິງຈະຮັບຮູ້ກັນແລ້ວກ່ຽວກັບເພດທີ3 ແຕ່ໃນບັດປະຈຳຕົວເອກະສານຕ່າງໆຍັງລະບຸເພດຕາມແພດບັນທຶກໃນມື້ເກີດອອກມາຈາກທ້ອງແມ່ ນັ້ນໝາຍຄວາມວ່າໃນໂລກນີ້ຜູ້ຄົນຈຳນວນຫຼາຍທີ່ເກີດມາໃນຮ່າງເປັນຊາຍໃຈເປັນຍິງ, ຮ່າງເປັນຍິງໃຈເປັນບ່າວນັ້ນຍັງບໍ່ທັນເປັນທີ່ຮັບຮູ້ຢ່າງຖືກຕ້ອງທາງກົດໝາຍ ແຕ່ລາຍງານຂ່າວຫຼ້າສຸດນີ້ໃຫ້ຮູ້ວ່າ ທີ່ນະຄອນຫຼວງວໍຊີງຕັນຂອງສະຫະລັດຈະມີການຈົດທະບຽນອອກໃບຢັ້ງຢືນໃຫ້ກັບເພດທີ3 ເປັນລັດທຳອິດຂອງອາເມລິກາພາຍໃນທ້າຍເດືອນນີ້.
ກຳນົດໝາຍເປີດໂອກາດໃຫ້ເພດທີ3 ໄດ້ປ່ຽນສະຖານະຕົນເອງເປັນເພດທີ3 ນັ້ນຈະມີຂຶ້ນໃນວັນທີ 27 ມັງກອນ 2018 ນີ້ເປັນຕົ້ນໄປ. ທາງການໃນລັດວໍຊີງຕັນເຊື່ອວ່າ ນີ້ຈະເປັນໂອກາດໃນການຊ່ວຍຫຼຸດຜ່ອນການລ່ວງລະເມີດທາງເພດ ແລະສົ່ງເສີມຄວາມເທົ່າທຽມກັນດ້ານສຸຂະພາບອີກດ້ວຍ.
ໃນສະຫະລັດນອກຈາກລັດວໍຊີງຕັນທີ່ຈະອອກໃບຢັ້ງຢືນການເກີດໃໝ່ແກ່ເພດທີ3 ແລ້ວໃນລັດຄາລີຟໍເນຍກໍ່ມີແຜນຈະສ້າງກົດໝາຍ ກໍ່ຄືນິຕິກຳ ສຳລັບເພດທີ3 ເຊັ່ນດຽວກັນ ໂດຍຄາດວ່າຈະໄດ້ເລີ່ມລົງມືສ້າງໃນໄວໆນີ້.
Cr: http://insider.foxnews.com
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment