ການອ່ານເປັນສິ່ງສຳຄັນສຳເໜີ ເຖີງແມ່ນຍຸກນີ້ໂລກຈະທັນສະໄໝມີວິດີໂອ, ຄຣິບສຽງຫຼາຍຢ່າງມາໃຫ້ຄົນໄດ້ເສບແທນຕົວໜັງສືແລ້ວ ແຕ່ການອ່ານຍັງເປັນວິທີດຽວທີ່ຜູ້ຂຽນສາມາດສື່ສານທຸກປະໂຫຍກຫຼາຍກວ່າການໃຊ້ສິ່ງສື່ສານອື່ນໆ ອີກຢ່າງທຸກບົດສຶກສາຄົ້ນຄວ້າຍັງໃຊ້ຕົວໜັງສືເປັນສິ່ງຈົດບັນທຶກ ສະນັ້ນຄົນເຮົາຍິ່ງອ່ານຫຼາຍເທົ່າໃດຍິ່ງຮູ້ຫຼາຍເທົ່ານັ້ນ ຈິ່ງຄວນປູກຈິດສຳນຶກໃຫ້ລູກຂອງທ່ານຮັກການອ່ານ ຖືເປັນວິທີຮຽນຮູ້ທີ່ດີທີ່ສຸດຮູບແບບໜຶ່ງ.
ຈາກການສຶກສາວິໄຈແລ້ວພົບວ່າການອ່ານ ສາມາດເຮັດໃຫ້ຄົນປະສົບຄວາມສຳເລັດໃນໄລຍະຍາວໄດ້ ແຕ່ຄົນທີ່ບໍ່ມັກອ່ານ ຍ້ອນຂາດການຝຶກຝົນມາແຕ່ນ້ອຍເລີ່ມປະຖົມຂຶ້ນເມືອ. ແລ້ວເຮົາຈະຝືກລູກໃຫ້ຮັກການອ່ານໄດ້ຈັ່ງໃດ ໃຫ້ປະຕິບັດດັ່ງລຸ່ມນີ້:
1. ເລີ່ມຕົ້ນດ້ວຍການອ່ານໜັງສືໃຫ້ລູກຟັງ ເພາະພັດທະນາການທາງພາສາຂອງເດັກຈະມີປະໂຫຍດເມື່ອໄດ້ຮູ້ຈັກກັບຄຳສັບຫຼາຍຂຶ້ນ.
2. ເປັນຕົວຢ່າງທີ່ດີໃນການອ່ານ: ເດັກໆຈະໃຫ້ຄຸນຄ່າກັບສິ່ງພວກເຂົາເຫັນຜູ້ເປັນພໍ່ແມ່ເຮັດ ສະນັ້ນພໍ່ແມ່ຈິ່ງຕ້ອງອ່ານໜັງສືໃຫ້ເດັກເຫັນ ລູກກໍ່ຈະຮຽນແບບໃນພືດຕິກຳຂອງຜູ້ທີ່ເປັນພໍ່ແມ່.
3. ຈິ່ງຈັງໃນການອ່ານອອກສຽງ: ເວລາອ່ານເລື່ອງໃດໜຶ່ງ ຫຼື ນິທານຜູ້ໃຫຍ່ຄວນສະແດງທ່າທາງໜ້າສົນໃຈ ອອກສຽງດັງໆພ້ອມສະແດງສີໜ້າທີ່ແຕກຕ່າງ.
4. ກະຕຸ້ນໃຫ້ເດັກອ່ານໜັງສືເພື່ອຄວາມເພີດເພີນ ນັ້ນກໍ່ຄືຕ້ອງປ່ຽນບັນຍາກາດຈາກວຽກບ້ານ ເລື່ອງທີ່ກ່ຽວກັບການຮຽນເປັນອ່ານເລື່ອງ, ກະຕຸນຕ່າງໆທີ່ລູກມັກ ພວກນີ້ຈະສາມາດຊ່ວຍໃຫ້ເດັກຢາກອ່ານຫຼາຍຂຶ້ນ.
5. ແນະນຳລູກໃຫ້ຮູ້ຈັກໜັງສືຄຸນນະພາບ ແລະຫຼາກຫຼາຍແບບ ການແນະນຳໜັງສືຫຼາຍຮູບແບບໃຫ້ເດັກເລືອກຈະເພີ່ມໂອກາດໃຫ້ພວກເຂົາພົບໜັງສືທີ່ມັກ ແລະສົນໃຈຢາກອ່ານຫຼາຍຂຶ້ນ.
6. ເປັນໄດ້ໃຫ້ຄົນທີ່ເປັນພໍ່ແມ່ພາລູກໄປຮ້ານຂາຍປື້ມ ນອກຈາກຈະຊ່ວຍຮັດແໜ້ນຄວາມສຳພັນໃນຄອບຄົວຍຸກຫາເຊົ້າກິນຄ່ຳແລ້ວຍັງເຮັດໃຫ້ລູກໄດ້ປ່ຽນບັນຍາກາດ ແລະຄ່ອຍໆປັບນິໄສໃຫ້ຮັກການອ່ານຫຼາຍຂຶ້ນອີກດ້ວຍ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment