ປີນີ້ສົມວ່າເປັນປີທ່ອງທ່ຽວອີຫຼີມີເລື່ອງລາວດີໆເກີດຂຶ້ນ ມີຄົນດັງໃນຫຼາຍສາຂາອາຊີບມາຢ້ຽມຢາມ ລວມທັງເຮືອບິນຮຸ້ນໃໝ່ HondaJet HA-420 ທີ່ຜະລິດຈາກການຮ່ວມມື ຍີ່ປຸ່ນ ແລະ ສ.ອາເມລິກາ ເຊິ່ງເປັນລຸ້ນທໍາອິດຂອງບໍລິສັດ Honda ກໍ່ບິນມາລາວໃນອາທິດແລ້ວນີ້ ຫາກມີໜ້ອຍຄົນທີ່ຮູ້.
ຕາມແຫຼ່ງຂ່າວຈາກ ເພັສການບິນໃຫ້ຮູ້ວ່າ: ຍົນລຸ້ນນີ້ໄດ້ບິນສູ່ ສປປ ລາວ ເປັນຄັ້ງທໍາອິດເຊິ່ງຕາມການບັນທຶກຈາກ FlightRadar ແມ່ນມື້ວັນທີ 8/1/2018 ໄດ້ຂຶ້ນບິນຈາກ ບາງກອກ ສູ່ ຫຼວງພະບາງ ແລະ ມາເຖິງ ນະຄອນຫຼວງວຽງຈັນ . ການຢ້ຽມຢາມລາວໃນຄັ້ງນີ້ ຄາດວ່າຈະເປັນການ ໂປຼໂໝດ ແລະ ໂຄສະນາເຮືອບິນລຸ້ນດັ່ງກ່າວຕາມແຜນການຕະຫຼາດຂອງບໍລິສັດສູ່ບັນດາຜູ້ທີ່ໃຫ້ຄວາມສົນໃຈ.
ເຮືອບິນທີ່ຜະລິດຈາກບໍລິສັດ HONDA AIRCRAFT CO, ມີ7 ບ່ອນນັ່ງ / 2 ເຄື່ອງຈັກ. ເຈົ້າຂອງປະຈຸບັນ TVPX AIRCRAFT SOLUTIONS INC TRUSTEE NORTH SALT LAKE , UT, US ລາຄາໃນປີ2015 ລໍາລະ 4,5 ລ້ານໂດລາສະຫະລັດ.
ໂດຍນັບແຕ່ປີ 2015 ທີ່ເລີ່ມຜະລິດຍົນຮຸ້ນນີ້ອອກສູ່ຕະຫຼາດມາຮອດປະຈຸບັນໄດ້ຂາຍອອກໃຫ້ລູກຄ້າແລ້ວ 53 ລຳ ລູກຄ້າສ່ວນໃຫຍ່ແມ່ນຢູ່ອາລິກາ, ແມັກຊິໂກ ແລະຢູໂຣບ.
ຂອບໃຈແຫຼ່ງຂ່າວຈາກ: ເພຈຂ່າວການບິນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment