ລົດເມນະຄອນຫຼວງວຽງຈັນ ພ້ອມແລ້ວທີ່ຈະເປີດໃຫ້ບໍລິການ "ສາຍສະໜາມບິນ-ໃຈກາງເມືອງ ແລະ ຄິວລົດເມຕະຫຼາດເຊົ້າ" ຖ້ຽວປະຖົມມະເລິກໃນວັນທີ 18 ມັງກອນ 2018 ນີ້ແລ້ວ.
ຕາມແຫຼ່ງຂໍ້ມູນຈາກລັດວິສາຫະກິດລົດເມນະຄອນຫຼວງລົດເມສາຍນີ້ຈະແລ່ນຜ່ານບັນດາໂຮງແຮມໃຫຍ່ໆໃນຕົວເມືອງນະຄອນຫຼວງວຽງຈັນທັງໝົດ 16 ຈຸດ ຊຶ່ງຈະເລີ່ມອອກຈາກຄີວລົດເມຕະຫຼາດເຊົ້າໃນເວລາ 8:00 ເຊົ້າ ແລ່ນຈົນຮອດ 22:00 ໃນທຸກໆວັນ ດ້ວຍລາຄາ 15.000 ກີບຕໍ່ຄົນ.
ແນວໃດກໍ່ຕາມພາຍຫຼັງໄດ້ຂ່າວຈະເປີດບໍລິການລົດເມສາຍນີ້ເຮັດໃຫ້ຄົນຈຳນວນຫຼາຍສະໜັບສະໜູນເຕັມທີ່ ທີ່ປະຊາຊົນຜູ້ບໍ່ມີລົດເປັນຂອງຕົນເອງໄດ້ມີທາງເລືອກໃໝ່ ໄດ້ໃຊ້ບໍລິການລົດສາທາລະນະທີ່ລາຄາຖືກລົງເມື່ອທຽບໃສ່ລົດຕຸກໆຈຳໂບ້ ຫຼື ລົດແທັກຊີທີ່ມີຢູ່ໃນປະຈຸບັນ ແຕ່ໃນທາງກັບກັນຄ່າໂດຍສານທີ່ຕ້ອງຈ່າຍສູງເຖິງ 15.000 ກີບຕໍ່ຄົນເຮັດໃຫ້ຫຼາຍຄົນຕ່າງກໍ່ຜິດຫວັງໄປຕາມໆກັນ ບອກວ່າແພງເກີນໄປ ສຳລັບໄລຍະທາງຈາກຕະຫຼາດເຊົ້າຫາສະໜາມບິນທີ່ບໍ່ໄກພໍເທົ່າໃດ ແລະຢາກໃຫ້ມີການພິຈາລະນາປັບປຸງລາຄາໃໝ່ຖ້າເປັນໄປໄດ້.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment