ສະມາຄົມບານເຕະຮອນແລນ ປະກາດແຕ່ງຕັ້ງ ໂຣນັລ ຄູມັນ ອະດີດຜູ້ຈັດການທິມສະໂມສອນ ເອັຟເວີຕັນ ເປັນຄູຝຶກໃຫມ່ທິມຊາດໂຮນລັງ ດ້ວຍການເຊັນສັນຍາ 4 ປີເຄິ່ງ ເມື່ອຫຼ້າສຸດ ໂດຍຕັ້ງເປົ້ານໍາທິມຜ່ານການຄັດເລືອກໄປລຸ້ນແຊັມມເອີຣົບ 2020 ແລະ ຜ່ານການຄັດເລືອກສູ່ ບານໂລກ 2022.
ຄູມັນ ເປັນນັກຫນຶ່ງໃນຕຳນານນັກເຕະທິມຊາດໂຮນລັງ ຊຸດແຊັມຢູໂຣ ປີ 1988 ລົງສະຫນາມໃຫ້ທິມຊາດທັງຫມົດ 78 ນັດ ຍິງໄດ້ 14 ປະຕູ ກ່ອນຜັນຕົວເປັນຄູຝຶກໃນປີ 1997 ເຄີຍເປັນຜູ້ຊ່ວຍທິມຊາດໂຮນລັງ, ສະໂມສອນບາເຊໂລນາ, ກ່ອນຈະມາເປັນທີ່ຮູ້ຈັກກັນດີໃນການເປັນຄູຝຶກຂອງ ເອັຟເວີຕັນ ແລະ ເຊົາແຮມຕັນ ໃນເວທີພຣີເມຍລີກ ອັງກິດ.
ຜົນງານການຄຸມທີມທີ່ຜ່ານມາເຄີຍພາ ອາແຈັກ ໄດ້ແຊ້ມລີກສູງສຸດຂອງໂຮນລັງ 2 ສະໄຫມ, ພາ ພີເອັສວີ ໄອໂຮເຟັນ ໄດ້ແຊັມລິກສູງສຸດຂອງໂຮນລັງ 1 ສະໄຫມ, ພາ ເບັນຟີກ້າ ໄດ້ແຊ້ມຊຸບເປີຄັບຂອງໂປຕູເກດ 1 ສະໄຫມ ແລະ ພາ ບາເລນເຊຍ ໄດ້ແຊ້ມໂຄປ້າເດວເຣ 1 ສະໄຫມ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment