ພາຍຫຼັງທີ່ ລະດູການນີ້ ບາເຢິນ ມິວນິກ ທີມເກັ່ງໃນບຸນເດສລີກາ ເຢຍລະມັນ ນໍາຫ່າງແບບສະບາຍໃຈ ເມື່ອຜ່ານໄປ 21 ນັດມີຄະແນນຫ່າງອັນດັບ 2 ຢ່າງ ໄບເອີ ເລເວີຄູເຊັ່ນ ເຖິງ 18 ຄະແນນ ແນ່ນອນວ່າໂອກາດທີ່ພວກເຂົາຈະໄດ້ແຊັມ ບຸນເດສລີກາ ສະໄໝທີ 6 ຕິດຕໍ່ກັນ ແລະ ສະໄໝທີ 28 ຂອງສະໂມສອນ ຢູ່ບໍ່ໄກ.
ເຮັດໃຫ້ ສະເຕຟານ ເອຟເຟັ່ນແບກ ອະດີດກອງກາງທີມຊາດເຢຍລະມັນ ແນະຮູບແບບການແຂ່ງຂັນແບບໃໝ່ໃຫ້ ບຸນເດສລີກາ ເພື່ອເປັນການຫຼຸດຄວາມຫ່າງຊັ້ນຂອງ ບາເຢິນມິວນິກ.
ເຊິ່ງທີມສຸດທ້າຍທີ່ຕັດໜ້າພວກເຮົາເປັນແຊັມໄດ້ຄື ໂບຣຸສເຊຍ ດ໊ອດມູນ ພາຍໃຕ້ການນໍາທີມຂອງ ເຈີເກັນ ຄລ໊ອບ ທີ່ພາທີມຄວ້າແຊັມໄດ້ 2 ລະດູການຊ້ອນ ເມື່ອປີ 2010-2012, ແຕ່ຫຼັງຈາກນັ້ນ ບາເຢິນ ມິວນິກ ກໍ່ກວາດແຊັມລວດ.
ໂດຍໄລຍະ 5 ປີທີ່ຜ່ານມາ ບາເຢິນ ເປັນແຊັມໂດຍມີຄະແນນຫ່າງອັນດັບ 2 ເຖິງ 10 ຄະແນນທັງມົດ ໂດຍຫ່າງຫຼາຍສຸດຄື 19 ຄະແນນໃນລະດູການ 2013-2014.
ເມື່ອເປັນດັ່ງນັ້ນ ເອຟເຟ່ນແບກ ເລີຍສະເໜີແນວຄິດການແຂ່ງຂັນຮູບແບບໃໝ່ໂດຍລາວບອກວ່າ: ໃນລີກສູງສຸດ 18 ທີມອອກເປັນ 2 ກຸ່ມ, ກຸ່ມລະ 9 ທີມ ຈາກນັ້ນແຕ່ລະກຸ່ມເຕະແບບນອກບ້ານ ແລະ ໃນບ້ານ ຈົນເຖິງໄລຍະຄຣິສມາສ ຄິດເປັນທີມລະ 16 ນັດ.
ແລ້ວເອົາທີມ 1-4 ໃນຕາຕະລາງຂອງແຕ່ລະກຸ່ມ ບວກກັບທີມອັນດັບ 5 ທີ່ດີທີ່ສຸດ ມາລວມກຸ່ມເຕະໃນເຄິ່ງຫຼັງຂອງລະດູການ (ຮອບຂາກັບ) ອີກ 16 ນັດ ໂດຍເລີ່ມໃໝ່ທີ 0 ຄະແນນ.
ສ່ວນທີມທີ່ເຫຼືອອີກ 9 ທີມກໍ່ແບ່ງເຕະ ເພື່ອໜີຕົກຊັ້ນ ສະນັ້ນທັງ 18 ທີມກໍ່ຈະໄດ້ຫຼິ້ນ 34 ນັດເຊັ່ນເດີມ, ແຕ່ເພີ່ມເຕີມຄືຄວາມຕື່ນເຕັ້ນຫຼາຍຂຶ້ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment