ແຂວງສະຫວັນນະເຂດ ແລະ ແຂວງຈໍາປາສັກ ໄດ້ປັບປຸງກົງຈັກການຈັດຕັ້ງຫລາຍຂະແໜງການໃຂຂົງເຂດການເງິນເຊັ່ນ: ຂະແໜງສ່ວຍສາອາກອນປະຈຳແຂວງ, ຄັງເງິນແຫ່ງຊາດປະຈຳແຂວງ, ພະແນກການເງິນແຂວງ ແລະ ປະຕິບັດນະໂຍບາຍໃຫ້ພະນັກງານ-ລັດຖະກອນພັກການຮັບອຸດໜູນບຳນານຈຳນວນ 2 ທ່ານ, ໂດຍການເປັນປະທານຂອງ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ມີທ່ານ ຄຸນຍົນ ຄຳມະນີ ຫົວໜ້າກົມຈັດຕັ້ງ ແລະ ພະນັກງານ ກະຊວງການເງິນ, ມີຕາງໜ້າຂອງແຂວງ, ຮອງຫົວໜ້າກົມສ່ວຍສາອາກອນ, ຫົວໜ້າພະແນກຈັດຕັ້ງບໍລິຫານ ແລະ ວິຊາການຈຳນວນໜຶ່ງເຂົ້າຮ່ວມ.
ສຳລັບການປັບປຸງກົງຈັກການຈັດຕັ້ງຂອງແຂວງສະຫວັນນະເຂດໃນຂົງເຂດການເງິນ ໄດ້ຈັດຂຶ້ນໃນວັນທີ 31 ມັງກອນ 2018 ຜ່ານມາມີຄືດັ່ງນີ້: ເຫັນດີອະນຸມັດໃຫ້ທ່ານ ພົງສະຫວັນ ພົມມະວົງ ຫົວໜ້າສ່ວຍສາອາກອນປະຈຳແຂວງສະຫວັນນະເຂດພັກການຮັບອຸດໜູນບຳນານ ນັບແຕ່ງວດ I (ເດືອນ 1, 2, 3 ) ປີ 2018 ເປັນຕົ້ນໄປ; ຍົກຍ້າຍ ແລະ ແຕ່ງຕັ້ງທ່ານ ເພັດດາລາ ແກ້ວສາລີ ຮອງຫົວໜ້າພະແນກການເງິນແຂວງສະຫວັນນະເຂດ ເປັນຫົວໜ້າສ່ວຍສາອາກອນ ປະຈຳແຂວງສະຫວັນນະເຂດ, ຍົກຍ້າຍ ແລະ ແຕ່ງຕັ້ງທ່ານ ນາງ ບົວສະຫວັນ ຫລຸຍບົວທອງ ຫົວໜ້າຄັງເງິນແຫ່ງຊາດປະຈຳແຂວງສະຫວັນນະເຂດ ເປັນຮອງຫົວໜ້າພະແນກການເງິນແຂວງສະຫວັນນະເຂດ,ຍົກຍ້າຍ ແລະ ແຕ່ງຕັ້ງທ່ານ ຄຳກອງ ພິມມະໂນສັກ ຮອງຫົວໜ້າພະແນກການເງິນແຂວງສະຫວັນນະເຂດ ເປັນຫົວໜ້າຄັງເງິນແຫ່ງຊາດປະຈຳແຂວງສະຫວັນນະເຂດ.
ສ່ວນການປັບປຸງກົງຈັກການຈັດຕັ້ງຂອງແຂວງຈໍາປາສັກໃນຂົງເຂດການເງິນ ໄດ້ຈັດຂຶ້ນໃນວັນທີ 2 ກຸມພາ 2018 ຜ່ານມາໄດ້ເຫັນດີອະນຸມັດໃຫ້ທ່ານ ສໍາລີ ວົງພະຈັນ ຫົວໜ້າສ່ວຍສາອາກອນປະຈຳແຂວງຈຳປາສັກ ພັກການຮັບອຸດໜູນບຳນານ ນັບແຕ່ງວດ I (ເດືອນ 1, 2, 3 ) ປີ 2018 ເປັນຕົ້ນໄປ ແລະ ເຫັນດີແຕ່ງຕັ້ງ ທ່ານ ສຸກສະໄໝ ແກ້ວອ່ອນສີ ຮອງຫົວໜ້າສ່ວຍສາອາກອນປະຈຳແຂວງຈຳປາສັກ ເປັນຮັກສາການຊົ່ວຄາວຫົວໜ້າສ່ວຍສາອາກອນປະຈຳແຂວງຈຳປາສັກ.
ໂດຍລວມແລ້ວ ການປັບປຸງກົງຈັກການຈັດຕັ້ງຂອງຂະແໜງການເງິນໃນຄັ້ງນີ້, ແມ່ນອີງຕາມກົດໝາຍວ່າດ້ວຍພະນັກງານ-ລັດຖະກອນ, ອີງຕາມການຄົ້ນຄວ້າເຫັນດີເປັນເອກະພາບຂອງກອງປະຊຸມຄະນະປະຈຳພັກກະຊວງການເງິນ ແລະ ອີງໃສ່ຄວາມຮຽກຮ້ອງຕ້ອງຂອງວຽກງານຂະແໜງການເງິນໃນແຕ່ລະໄລຍະເນື່ອງຈາກວ່າວຽກງານຂະແໜງການເງິນເປັນວຽກສຳຄັນໃນລະບົບພັດທະນາເສດຖະກິດ-ສັງຄົມຂອງປະເທດ ໂດຍສະເພາະແມ່ນແນໃສ່ເຮັດການຈັດເກັບລາຍຮັບເຂົ້າງົບປະມານແຫ່ງລັດ ປະຈຳປີ 2018 ທີ່ແຕ່ລະຂະແໜງທີ່ຖືກມອມໝາຍໃຫ້ບັນລຸຕາມແຜນການວາງໄວ້.
ຂ່າວ-ພາບ: ກະຊວງການເງິນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment