ຕໍ່ໄປແຟນເພຈ໌ ຈະໄດ້ມາພົບກັບຄໍລໍ້າ “ສຶກສາພາຄິດ” ກັບແອັດມິນນົກ ເປັນປະຈໍາກ່ອນນອນ ເຊິ່ງມື້ນີ້ເຮົາຈະມາເບິ່ງຂໍ້ຫ້າມສໍາລັບ ນັກຮຽນ ແລະ ຄູ ຖ້າເຮັດຜິດນອກຈາກຈະລະເມີດລະບຽບວິໄນຂອງ ສະຖານການສຶກສາ ແລະ ກົດໝາຍການສຶກສາແລ້ວ ຍັງເປັນການທໍລະຍົດ ແລະ ດູຖືກຕໍ່ການເປັນນັກຮຽນ ແລະ ຄູ ນໍາອີກດ້ວຍ.
ອີງຕາມກົດໝາຍວ່າ ດ້ວຍການສຶກສາ ພາກທີ X.
#ມາດຕາທີ 70 (ປັບປຸງ) ຂໍ້ຫ້າມສໍາລັບຜູ້ຮຽນມີດັ່ງນີ້:
1.ລະເມີດລະບຽບວິໄນຂອງສະຖານການສຶກສາ
2.ໃຫ້ສິນບົນແກ່ຄູ ແລະ ບຸກຄະລະກອນການສຶກສາ.
3.ທຸດຈະລິດໃນການຮຽນ, ການຝຶກອົບຮົມວິຊາຊີບ, ການສອບເສັງ ແລະ ການທົດສອບ.
4.ພົວພັນ, ຊື້-ຂາຍ, ເສບສິ່ງເສບຕິດ, ສິ່ງມຶນເມົາ, ສິ່ງລາມົກອະນາຈານ, ຫຼິ້ນການພະນັນທຸກປະເພດ ຢູ່ສະຖານການສຶກສາ ແລະ ສະຖານທີ່ອື່ນໆເຊັ່ນ ຮ້ານກິນດື່ມ, ຮ້ານສະໜຸກເກີ, ຮ້ານເກມ, ຮ້ານບັນເທີງ ແລະ ນຸ່ງເຄື່ອງແບບນັກຮຽນເຂົ້າໃນສະຖານທີ່ດັ່ງກ່າວ.
5.ພົວພັນຊູ້ສາວ ທີ່ຂັດກັບກົດໝາຍ, ລະບຽບຂອງສະຖານສຶກສາ ແລະ ຮີດຄອງປະເພນີອັນດີງາມ.
6.ຄອບຄອງອາວຸດ, ວັດຖຸລະເບີດ ແລະ ສານເຄມີທີ່ຕ້ອງຫ້າມ.
7.ສ້າງກຸ່ມກ້ອນ, ພັກພວກ ເພື່ອກໍ່ຄວາມບໍ່ສະຫງົບ ຢູ່ໃນສະຖານການສຶກສາ ແລະ ສັງຄົມ.
1.ຂາດຄວາມຮັບຜິດຊອບໃນການປະຕິບັດໜ້າທີ່ຕໍ່ການສິດສອນ.
2.ສ່ວຍໃຊ້ໜ້້າທີ່, ໃຫ້ ຫຼື ຮັບສິນບົນ ເພື່ອຜົນປະໂຫຍດສ່ວນຕົວ, ຄອບຄົວ, ຈຸ້ມເຈື້ອ ແລະ ພັກພວກ.
3.ບິດເບືອນເນື້ອໃນຫຼັກສູດ, ນໍາໃຊ້ການສອນເພີ້ມ ໂດຍເປັນການບັງຄັບ.
4.ທຸດຈະລິດໃນການຈັດຕັ້ງການຮຽນ-ການສອນ, ການຝຶກອົບຮົມວະຊາຊີບ, ການສອບເສັງ ແລະ ການທົດສອບ.
5.ທຸບຕີ, ຮ້າຍດ່າ, ທາລຸນ ແລະ ລໍາອ່ຽງຕໍ່ຜູ້ຮຽນ.
6.ແບ່ງແຍກຄວາມສາມັກຄີ ຫຼື ສ້າງຄວາມປັ່ນປ່ວນພາຍໃນສະຖານທີ່ການສຶກສາ ແລະ ສັງຄົມ.
7.ເປີດເຜີຍ ຫຼື ເຜີຍແຜ່ສິ່ງລາມັກອະນາຈານ.
8.ພົວພັນ, ຊື້-ຂາຍ, ເສບສິ່ງເສບຕິດ ແລະ ຫຼິ້ນການພະນັນ ທຸກເພດທີ່ຜິດກົດໝາຍ.
9.ນຸ່ງເຄື່ອງແບບຄູ ເຂົ້າໃນຮ້ານບັນເທີງ ຫຼື ສະຖານທີ່ອື່ນທີ່ບໍ່ເໝາະສົມ.
10.ໂຄສະນາສົ່ງເສີມ ຫຼື ດື່ມເຄື່ອງທີ່ມີທາດເຫຼົ້າໃນສະຖານການສຶກສາ.
11.ພົວພັນຊູ້ສາວ ຫຼື ຊຸກຍູ້ສົ່ງເສີມ ໃຫ້ຜູ້ຮຽນເຮັດຜິດຕໍ່ຮີດຄອງປະເພນີ, ລະບຽບຂອງສະຖານການສຶກສາ.
12.ມີພຶດຕິກໍາອື່ນ ທີ່ເປັນການລະເມີດກົດໝາຍ ແລະ ລະບຽບການ.
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment