ບໍ່ຮູ້ວ່າຈະເອີ້ນວ່າເລື່ອງບັງເອີ້ນ ຫຼື ເລື່ອງເປັນຕາຫົວ ແອບແຜງກັບຄວາມເປັນຕາອີຕົນດີ້ ເມື່ອເກີດເລື່ອງຕະລົກຮ້າຍໃນການແຂ່ງຂັນ ພຣີເມຍຣາ ລີກາ ໂປຣຕຸເກດ ນັດທີ່ ເດສປໍຕິໂວ ອະເວສ ເປີດບ້ານພົບກັບ ເບົາວິສຕາ ເມື່ອວັນທີ 6 ກຸມພາ ທີ່ຜ່ານມາ ຫຼັງຈາກທີ່ກໍາມະການຕັ້ງໃຈຈະເບິ່ງຄລິບ ຈັງຫວະທີ່ມີບັນຫາຕາມລະບົບເທັກໂນໂລຢີ ວີດີໂອຊ່ວຍຜູ້ຕັດສິນ (VAR), ແຕ່ສຸດທ້າຍເບິ່ງບໍ່ເຫັນຈັງຫວະດັ່ງກ່າວ ເພາະກ້ອງຖືກທຸງຂອງແຟນບານບັງ ແລ້ວບາດນີ້ຈະໂທດໃຜ.
ເຫດການດັ່ງກ່າວ ເກີດຂຶ້ນໃນນັດທີ່ ເຈົ້າຖິ່ນມາໄດ້ປະຕູທີ 3 ຈາກຈັງຫວະຂອງ ວີໂຕ ໂກເມສ ຊໍ້າໂລ່ງໆ, ແຕ່ຈັງຫວະທີ່ຍິງປະຕູນັ້ນ ເຫັນໄດ້ຊັດເຈນວ່າລາວຢູ່ໃນຕໍາແໜ່ງລໍ້າໜ້າ ແລະ ຄູ່ແຂ່ງຄັດຄ້ານຢ່າງໜັກ ເຮັດໃຫ້ກໍາມະການຕ້ອງມາຕັດສິນດ້ວຍການເບິ່ງຄລິບວີດີໂອ.
ແຕ່ສຸດທ້າຍກໍາມະການກໍ່ບໍ່ຮູ້ວ່າ ໂກເມສ ລໍ້າໜ້າຫຼືບໍ ເພາະຈັງຫວະດັ່ງກ່າວຖືກທຸງກອງເຊຍຂອງແຟນບານ ບັງພໍດີ ແລະ ດ້ວຍການບໍ່ມີຫຼັກຖານທີ່ໜັກແໜ້ນພໍ ກໍາມະການຈິ່ງບໍ່ມີທາງເລຶອກໃຫ້ເປັນປະຕູໄດ້.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment