ອີງຕາມການເປີດເຜີຍຂອງ ທ່ານ ໄຊສະຫວາດ ຜູ້ຈັດການທີມ ດີເຄ ເອັຟຊີ ໄດ້ໃຫ້ຮູ້ວ່າ: ມາຮອດປັດຈຸບັນນີ້ ດີເຄ ມີຄວາມພ້ອມເກືອບ 100% ລຸຍລາວພຣີເມຍລີກ 2018, ໂດຍນັກເຕະສ່ວນຫລາຍແມ່ນໄດ້ຄັດເອົານັກກິລາທີ່ຜົນງານໂດດເດັ່ນໃນປີຜ່ານມາທັງ Division ແລະ ການເຂົ້າຮ່ວມລາຍການພິເສດທີ່ ສປ ຈີນ ໃນທ້າຍປີ 2017 ແລະ ນັກເຕະສ່ວນໃຫຍ່ເປັນນັກກິລາທີ່ມີທັກສະຄວາມສາມາດ ແລະ ພອນສະຫວັນ ບວກກັບປະສົບການທີ່ນັກເຕະແຕ່ລະຄົນມີ.
ດີເຄ ເອັຟຊີ ມີຜູ້ຫລີ້ນໂຄຕ້າຕ່າງປະເທດ 7 ຄົນ ໂດຍມີຜູ້ຫລີ້ນເກົ່າ ແລະ ໃຫມ່ປະສົມປະສານກັນ ແລະ ຍັງມີເຊີໄພສ໌ແຟນບານອີກ 1 ຄົນຄືດາວຮຸ່ງເກົາຫຼີ ທີ່ຈະມາໂຊຄວາມສາມາດໃຫ້ກັບທີມ ໃນລາວພີຣີເມຍລີກປີນີ້.
ແອັດມິນນົກ ຂໍແຟນໆຊ່ວຍສົ່ງແຮງໃຈເຖິງ ດີເຄ ເອັຟຊີ ທີ່ຈະລົງສະໜາມນັດທຳອິດພົບກັບ ທີມນ້ອງໃຫມ່ຢ່າງ ຫຼວງພະບາງ ຢູໄນເຕັດ ໃນວັນອາທິດທີ 25 ກຸມພາ 2018, ເວລາ 17.00 ທີ່ສະຫນາມກິລາແຫ່ງຊາດ ຫຼັກ 16.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment