ອຸດທິລັດ ນາມມະໂຄດ ຜູ້ຮັກສາປະຕູມື 1 ທີມຊາດລາວຊຸດໃຫຍ່ ອາດກາຍເປັນຜູ້ຮັກສາປະຕູທີ່ໜ້າຈັບຕາຫຼາຍທີ່ສຸດ ໃນ ເປບຊີ ລາວພຣີເມຍລີກ 2018 ເນື່ອງຈາກວ່າເປັນຜູ້ຮັກສາປະຕູທີ່ໂດດເດັ່ນມາຕັ້ງແຕ່ ລາວພຣີເມຍລີກ 2016.
ເຊິ່ງປີ 2016 ອຸດທິລັດ ກາຍປັນທີ່ຮູ້ຈັກໃນການຫຼິ້ນໃຫ້ກັບ ສະຫວັນ ຢູໄນເຕັດ ດ້ວຍການຢຸດສະຖິຕິຊະນະລວດຂອງ ລ້ານຊ້າງ ຢູໄນເຕັດ ດ້ວຍການພາ ສະຫວັນ ຢູໄນເຕັດ ບຸກຢັນສະເໝີ ລ້ານຊ້າງ ຢູໄນເຕັດ ໃນຮອບຂາໄປລະດູການນັ້ນ ຈົນເປັນປີທອງຂອງລາວ ກ່ອນຖືກ ລ້ານຊ້າງ ດຶງຕົວມາຮ່ວມທີມໃນຮອບຂາກັບ ພ້ອມທັງຕິດທີມຊາດລາວ ຊຸດໃຫຍ່ ຈົນປັດຈຸບັນເປັນມື 1 ຂອງທີມຊາດລາວ ຊຸດໃຫຍ່.
ຢ່າງໃດກໍ່ຕາມ, ເປບຊີ ລາວພຣີເມຍລີກ 2018 ອຸດທິລັດ ຈະມາເສີມຄວາມເກັ່ງຂອງ ມາສເຕີ 7 ນ້ອງໃໝ່ ຕ້ອງຕິດຕາມກັນເບິ່ງວ່າ ປີນີ້ ອຸດທະລັດ ຈະແຜງລິດໄດ້ສໍາໃດ ໂດຍຈະລົງສະໜາມນັດທໍາອິດພົບກັບ ຊ້າງນ້ອຍ ທີ່ສະໜາມກິລາຫຼັກ16 ເວລາ 17:00 ໂມງ.
ສໍາລັບ ຜົນງານລະດັບສະໂມສອນຂອງ ອຸດທິລັດ ມີດັ່ງນີ້:
- ປີ 2013-2015 ແມ່ນຫຼີ້ນໃຫ້ກັບສະໂມສອນ ຮວ່າງແອ໋ງ ອັດຕະປື.
- ປີ 2016 ຮອບຂາໄປ ຫຼີ້ນໃຫ້ກັບສະໂມສອນ ສະຫວັນ ຢູໄນເຕັດ.
- ປີ 2016 ຮອບຂາກັບ ຫຼີ້ນໃຫ້ກັບສະໂມສອນ ລ້ານຊ້າງ ຢູໄນເຕັດ.
- ປີ 2017 ແມ່ນຫຼີ້ນໃຫ້ກັບສະໂມສອນ ທິບສະຫວັນ ເອັຟຊີ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment