3 ບໍລິສັດ ຈະເຂົ້າຮັບເໝົາກໍ່ສ້າງພື້ນຖານໂຄງລ່າງ 3 ຈຸດສຸມຂອງແຂວງໄຊສົມບູນ

ໃນວັນທີ 22 ກຸມພາ 2018 ນີ້, ກົມກໍ່ສ້າງຮາກຖານໄດ້ຈັດພິ ທີເຊັນສັນຍາຮັບເໝົາກໍ່ສ້າງພື້ນ ຖານໂຄງລ່າງຂອງ 3 ຈຸດສຸມ ແຂວງໄຊສົມບູນປີ 2018 ລະ ຫວ່າງຄະນະຊີ້ນຳວຽກງານກໍ່ ສ້າງຮາກຖານການເມືອງພັດ ທະນາ 3 ຈຸດສຸມແຂວງໄຊສົມ ບູນກັບບໍລິສັດຮັບເໝົາກໍ່ສ້າງ.ໂດຍການເປັນປະທານຂອງ
ທ່ານ ພົນຈັດຕະວາ ບົວໄລ ພົມ ມະວົງ ຫົວໜ້າກົມກໍ່ສ້າງຮາກ ຖານ.
ມີບັນດາບໍລິສັດທີ່ຮັບ ເໝົາເຂົ້າຮ່ວມເຊັນສັນຍາຄື: ທ່ານນາງ ສຸດໃຈ ແກ້ວບຸນພັນ ປະທານບໍລິສັດເອພີບີ, ທ່ານ ນິ ໂກລ່າ ໂພຊະນາລັກ ປະທານບໍລິ ສັດວານິດ, ທ່ານ ຜາຍ ສີສະເກດ ປະທານບໍລິສັດ ສີສະເກດ ແລະ ບັນດາຫົວໜ້າພະແນກ ແລະ ຄະ ນະຮັບຜິດຊອບແຕ່ລະໂຄງການ ເຂົ້າຮ່ວມ.

ໃນພິທີທ່ານປະທານໄດ້ຂຶ້ນ ຜ່ານໂຄງການປີ 2018 ອີງ ຕາມແຈ້ງການຂອງລັດຖະມົນຕີ ວ່າການກະຊວງແຜນການ ແລະ ການລົງທຶນວ່າດ້ວຍການອະນຸ ມັດແຜນການ ການລົງທຶນພັດ ທະນາ 3 ກຸ່ມບ້ານໄຊສົມບູນ (ກະຊວງປ້ອງກັນປະເທດ) ສົກ ປີ 2018, ອີງຕາມການແຈ້ງ ເຊີນຂອງຫົວໜ້າຫ້ອງວ່າການ ກະຊວງ (ຫົວໜ້າອະນຸກຳມະ ການແຜນການ-ພັດທະນາ 3 ກຸ່ມບ້ານໄຊສົມບູນ) ວ່າດ້ວຍ ການເຊັນສັນຍາສະບັບເລກທີ 95/ຫມທ, ລົງວັນທີ 20 ກຸມພາ 2018, ລາຍລະອຽດບັນດາ ໂຄງການທີ່ເຊັນສັນຍາຄັ້ງນີ້ມີ 6 ໂຄງການຄື:

1. ໂຄງການກໍ່ສ້າງ ເດີ່ນບິນ (ຍົນຂຶ້ນຊື່),
2.ໂຄງການ ກໍ່ສ້າງເສັ້ນທາງ ແລະ ບຸກເບີກ ປ້ອມຍາມເດີ່ນບິນ,
3.ໂຄງການປູ ຢາງເສັ້ນທາງເຂົ້າຄ້າຍກອງພັນ ໃຫຍ່ 101,
4.ໂຄງການກໍ່ສ້າງ ເສັ້ນທາງຂຶ້ນສຳນັກກຸ່ມບ້ານ ປ້ອງກັນຊາດ 3 ເສັ້ນ,
5. ໂຄງການ ບຸກເບີກຊັບຊ່າວເນື້ອທີ່ທຳການ ຜະລິດ,
6.ໂຄງການສຳຫຼວດ ແລະ ອອກແບບກໍ່ສ້າງເສັ້ນທາງແຕ່ ບ້ານຮົ່ມໄຊ- 3 ແຍກຂົວນ້ຳສະ ແນນລວມມູນຄ່າການກໍ່ສ້າງທັງ ໝົດ 51,4ຕື້ກວ່າກີບ (ຫ້າສິບເອັດຕື້ສີ່ຮ້ອຍສິບເອັດ ລ້ານສອງແສນກີບ) ຈາກນັ້ນ ທັງສອງຝ່າຍກໍ່ໄດ້ລົງນາມເຊັນ ສັນຍາຮ່ວມກັນເພື່ອດຳເນີນໂຄງ ການດັ່ງກ່າວສຳເລັດຕາມກຳ ນົດເວລາ ແລະ ຮັບປະກັນດ້ານ ເຕັກນິກການກໍ່ສ້າງ.