ຕ່າງຝ່າຍຕ່າງມີດີ! ດີເຄ - ຫຼວງພະບາງ ໃຜຈະມີດີກວ່າກັນນັດທໍາອິດ ເປບຊີ ລາວພຣີເມຍລີກ 2018

ດີເຄ ເອັຟຊີ ທີມອັນດັບ 4 ລາວພຣີເມຍລີກ 2017 ກຽມລົງນັດທໍາອິດຂອງ ເປບຊີ ລາວພຣີເມຍລີກ ລະດູການ 2018 ໃນມື້ນີ້ວັນທີ 25 ກຸມພາ ເວລາ 17:00 ໂມງ ທີ່ສະໜາມກິລາມະຫາວິທະຍາໄລ ໂດຍທັງຄູ່ຕ່າງມາດີ ແລະ ຫວັງເກັບໄຊນັດທໍາອິດ. ດັ່ງນັ້ນ, ກ່ອນການແຂ່ງຂັນຈະເລີ່ມຂຶ້ນ ແອັດມິນນົກ ຈະພາແຟນເພຈ໌ມາເບິ່ງຄວາມພ້ອມຂອງທັງສອງທີມ ວ່າໃຜຈະມີດີກວ່າກັນ.

ທ່ານ ສາຍສະຫວາດ ບຸນຜານະຄອນ ຜູ້ຈັດການທີມ ດີເຄ ເອັຟຊີ ໃຫ້ສໍາພາດວ່າ: ປັດຈຸບັນພວກເຮົາມີຄວາມພ້ອມເກືອບ 100% ແລ້ວ, ໂດຍປີນີ້ພວກເຮົາໃຊ້ນັກເຕະເຂົ້າຮ່ວມ ເປບຊີ ລາວພຣີເມຍ ຈໍານວນ 26 ຄົນ ໃນນັ້ນມີນັກເຕະຕ່າງປະເທດຢູ່ 7 ຄົນ (ມາຈາກພາກພື້ນອາຟຣິກາ 5 ຄົນ, ເກົາຫຼີ 1 ຄົນ ແລະ ໄທ 1 ຄົນ ).

ໂດຍ 26 ນັກເຕະຂອງ ດີເຄ ເອັຟຊີ ປະກອບມີດັ່ງນີ້:
+ຜູ້ຮັກສາປະຕູປະກອບມີ: ວຽງອາຄົມ ວິລະວົງ, ໄກສອນ ຫອມສິນ ແລະ ຫາວີ ເກຕິຍະ.
+ກອງຫຼັງປະກອບມີ: OMEWIRI OLIVER AUGUSTINE, TOMO PIERRE, ກໍລະກົດ ມັອກຊົມ, ສຸກສັນ ສະຫວັດ, ສົມເດດ ຂັນຕິວົງ, ໄຊຍາສິດ ກຸຫຼາບສະຫວັນ, ໂກມິນ ມີລາ ຊາວໄທ, ອານຸລັກ ເອກະລາດ, ໄຊຍະສິນ ສິລິດທິລາດ ແລະ ສົມເດດ ຂັນຕິວົງ.

+ກອງກາງປະກອບມີ: ໄຊຍະພອນ ແສງສະຫວ່າງ, ທໍ່ຕູ້ທ່າວ ເຈີເຈັງ, ມະນັດ ພິມມະສັກ, ພູເຂົາ ບົວສາລີ, ມໍລະກົດ ວົງມະນີຈັນ, ສີທອງ ສີຍາວົງ, ສຸວັນທອນ ລາດສະອາດ, PATRICK CHIBUZO ແລະ ສຸວັນທອນ ລາດສະອາດ.
+ກອງໜ້າປະກອບມີ: ພອນສະຫວັນ ມີໂຊກ, ABEE NDJOO HUBERT ຈາກຄາເມີຣູນ, KOFFI BEN DAVID ຈາກຄາເມີຣູນ, ທະວີຊັບ ພິຈິດ, ບຸນທະວີ ວິໄລພອນ ແລະ LEE MINJU ຈາກເກົາຫຼີ.

ສ່ວນຄວາມພ້ອມຂອງ ນ້ອງໃໝ່ຫຼວງພະບາງ ທ່ານ ມອນໄຊ ລາວມົວຊົງ ໄດ້ຕາງໜ້າການນຳຂອງແຂວງ ກ່າວວ່າ: ຮຽກຮ້ອງໃຫ້ ຄູຝຶກ ແລະ ນັກກີລາສຸມໃສ່ການຝຶກຊ້ອມໃຫ້ຫຼາຍ ພ້ອມທັງເຂົ້າຮ່ວມແຂ່ງຂັນໃຫ້ປະສົບຜົນສຳເລັດ ນຳເອົາໄຊຊະນະມາສູ່ຊາວແຂວງຫຼວງພະບາງ ໄດ້ຊື່ນຊົມ ແລະ ຄາດວ່າໃນການເຂົ້າແຂ່ງຂັນລາຍການນີ້ ຈະໃຫ້ຢູ່ໃນລະດັບ 1 ໃນ 3 ຂອງ ແປບຊີ ລາວພຣີເມຍລີກ.

ສໍາລັບ ນັກກີລາຂອງ ຫຼວງພະບາງ ຢູໄນເຕັດ ມີທັງໝົດ 24 ຄົນ ( ຕ່າງຊາດອີກ 5 ຄົນ ) ດັ່ງນີ້:

+ນັກເຕະລາວປະກອບມີ: ເພັດຕິກອນ ປັນຍາສິດ, ເພັດຕະກອນ ວິຍະກອນ, ບຸນມີ ຈິດຕະພອນ, ກິລະສັກ ແສງສະຫວັດ, ຄຳອ້າຍ ແກ້ວມະນີ, ວຽງນະຄອນ ວິລະບຸດ, ໂຕ່ບີ່ ວິໄລພອນ, ໄຊອຳພອນ ບຸນທະລືໄຊ, ບິນລີ້ ສີລິພົນ, ແກ້ວສະຫວາດ ປານມະນີ, ໂພທິໄຊ ພົນມະຈັນ, ພຸດທະສັກ ສີລິກຸນ, ຕູ່ລູ່ ບົວລະວົງສາ, ສອນເພັດ ຈັນທະລາ, ວັນນາ ບຸນຫລໍ່ວົງສາ, ສົມລິດ ແສງວັນນີ, ມັງກອນ ອານຸພົງສາລີ, ກັນຍາ ຂຸນວົງສາ ແລະ ໂອ່ບີ້ ວົງທະຈິດ.

+ນັກເຕະຕ່າງປະເທດປະກອບມີ: SAMUEL EBOULE BILLE ( ກອງຫຼັງກາເມີຣູນ ), ANE MIKAELFABRICE ANY ( ກອງໜ້າຊາວກົດລິວົວ ), SILVASANTOS ( ກອງກາງຊາວບຣາຊິນ ), TAIGA NAKAMURA ( ກອງຫຼັງຊາວຍີ່ປຸ່ນ ) ແລະ ADDA DJEZIRI ( ກອງໜ້າຊາວດານມາກ).