ແຂວງອຸດົມໄຊ ສະຫຼຸບຜົນງານການຈັດການແຂ່ງຂັນ ກິລາ ແລະ ສິລະປະ ວັນນະຄະດີນັກຮຽນສຶກສາມິດຕະພາບ 6 ແຂວງພາກເໜືອນ ລະຫວ່າງແຂວງຜົ້ງສາລີ, ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ ແລະ ແຂວງດຽນບຽນຟູ ສສ ຫວຽດນາມ ຄັ້ງທີ XI, ພາຍຫຼັງ ເປີດຢ່າງເປັນທາງການໃນວັນທີ 23 ຫາ 26 ມັງກອນ 2018 ແລະ ໄດ້ສໍາເລັດລົງຢ່າງຈົບງາມ.
ພາຍຫຼັງສໍາເລັດການແຂ່ງຂັນ ທາງແຂວງດັ່ງກ່າວໄດ້ຈັດກອງປະຊຸມໄດ້ຈັດຂື້ນໃນກາງເດືອນ ກຸມພາ ຜ່ານມານີ້ ທີ່ສະໂມສອນຂອງພະແນກສຶກສາທິການ ແລະ ກິລາ ແຂວງ ອຸດົມໄຊ ພາຍໃຕ້ການເປັນປະທານຂອງ ທ່ານ ສົມດີ ສີລາທອດ ຫົວໜ້າພະແນກສຶກສາທິການ ແລະ ກິລາ ແຂວງ ຮອງປະທານການຈັດງານແຂ່ງຂັນ, ມີຄະນະພະແນກ, ບັນດາຄະນະກຳມະການ ແລະ ອະນຸກຳມະການຝ່າຍຕ່າງໆ ເຂົ້າຮວ່ມ.
ໃນກອງປະຊຸມ ທ່ານ ບຸນຂານ ວົງສະຫວັນ ຫົວໜ້າຂະແໜງ ພະລະ ແລະ ສິລະປະ ທັງເປັນ ກອງເລຂາຈັດງານດັ່ງກ່າວ ໄດ້ ລາຍງານການຈັດງານໃນຄັ້ງນີ້ໃຫ້ຮູ້ວ່າ ກິລາ ແລະ ສິລະປະ ວັນນະຄະດີນັກຮຽນສຶກສາມິດຕະພາບ 6 ແຂວງລະຫວ່າງແຂວງຜົ້ງສາລີ, ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ ແລະ ແຂວງດຽນບຽນຟູ ສສ ຫວຽດນາມ, ເປີດຢ່າງເປັນທາງການໃນວັນທີ 23 ຫາ 26 ມັງກອນ 2018 ໄດ້ສຳເລັດໃນຄັ້ງຜ່ານມາ,
ເຊິ່ງແຂ່ງຂັນທັງໝົດປະກອບມີ 4 ປະເພດກິລາຄື: ບານເຕະຊາຍ, ກະຕໍ້ຍິງ-ຊາຍ, ດອກປີກໄກ່ຍິງ-ຊາຍ-ຄູ່ປະສົມ ແລະ ໜ້າເກັກຍິງ-ຊາຍ; ແຂ່ງຂັນທີສະໜາມກິລາແຂວງອຸດົມໄຊ ໄດ້ໃຊ້ງົບປະມານທັງໝົດ 300 ກວ່າລ້ານກີບ ເຊິ່ງໄດ້ມາຈາກເງິນລະດົມປະກອບສວ່ນຈາກຄູອາຈານ 200 ກວ່າລ້ານ, ໄດ້ຈາກກອງທຶນກິລານັກຮຽນຈຳນວນ 60 ກວ່າລ້ານ, ໄດ້ຈາກຄະນະປະຈຳພັກແຂວງ 30 ລ້ານກີບ, ໄດ້ຈາກບັນດາແຂວງທີ່ເຂົ້າຮວ່ມແຂວງລະ 5 ລ້ານກີບ. ນອກຈາກນັ້ນ ແມ່ນໄດ້ມາຈາກການລະດົມດວ້ຍບັດແຜ່ປັດໃຈຈາກບັນດາພະແນກ, ລັດວິສາຫະກິດ, ພໍ່ຄ້າຊາວຂາຍ, ນັກທຸລະກິດ ແລະ ບໍລິສັດ ກໍຄື ຫ້າງຮ້ານຕ່າງໆ.
ລາຍການສະແດງທີ່ນຳມາແລກປ່ຽນໃນຄັ້ງນີ້ ມີທັງໝົດ 14 ລາຍການ ເຊິ່ງປະກອບດວ້ຍບົດຟ້ອນ ແລະ ບົດເພງຮ້ອງ ແຂວງລະ 2 ລາຍການ, ໃນນັ້ນແຂວງອຸດົມໄຊເຈົ້າພາບ ມີ 4 ລານການ, ເຊິ່ງແຕ່ລະລາຍການລ້ວນແຕ່ມີເນື້ອໃນ, ມີຄວາມໝາຍເລິກເຊິ່ງ ທີ່ສະທ້ອນໃຫ້ເຫັນເຖິງເອກະລັກ, ວັດທະນະທຳ, ຮີດຄອງປະເພນີ ແລະ ວິຖີການດຳລົງຊີວິດຂອງປະຊາຊົນ ແລະ ຄວາມສາມັກ ຄີພິເສດລະຫວ່າງ ສອງຊາດ ລາວ - ຫວຽດນາມ ອ້າຍນ້ອງ, ສ່ວນການແຂ່ງຂັນກິລາປະກອບມີ 4 ປະເພດກິລາຄື: ບານເຕະ, ກະຕໍ້, ດອກປີກໄກ່ ແລະ ໜ້າເກັກ
ຂໍ້ມູນຈາກ: ພະແນກສຶກສາທິການ ແລະ ກິລາແຂວງອຸດົມໄຊ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment