ສຳນັກຂ່າວຕ່າງປະເທດລາຍງານວ່າ: ໄດ້ເກີດເຫດລະເບີດຮຸນແຮງຂຶ້ນເມື່ອຄືນວັນອາທິດທີ25 ກຸມພາ 2018 ທີ່ຜ່ານມາ ເຊິ່ງສ້າງຄວາມເສຍຫາຍໃຫ້ກັບຮ້ານສະດວກຊື້ ແລະ ເຮືອນອີກ 1ຫລັງ ໃນເມືອງເລສເຕີທາງຕອນກາງຂອງອັງກິດ ຈົນເປັນເຫດໃຫ້ມີຜູ້ໄດ້ຮັບບາດເຈັບ 4ຄົນ ພາບ ແລະ ຄິບວິດີໂອທທີ່ເຜີຍແພ່ໃນທະວິດເຕີ ສະແດງໃຫ້ເຫັນແປວໄຟກຳລັງລຸກຂື້ນສູ່ທ້ອງຟ້າ ຈາກຈຸດທີ່ເກີດເຫດເຊິ່ງພັງຈົນເຫລືອແຕ່ຊາກ.
ຖະແຫລງການຂອງຕຳຫລວດລະບຸອີກວ່າ: ຫນ່ວຍກູ້ໄພ ແລະ ຫນ່ວຍສຸກເສີນກຳລັງຮັບມືກັບສະຖານະການທີ່ເກີດຂື້ນ ຂໍໃຫ້ປະຊາຊົນຫລີກລ້ຽງບໍລິເວນພື້ນທີ່ດັ່ງກ່າວ ຂະນະທີ່ຫນ່ວຍກູ້ໄພລາຍງານວ່າ: ນຳຜູ້ບາດເຈັບ 4ຄົນສົ່ງໂຮງຫມໍແລ້ວ ທີມກູ້ສະຖານະການຮ້າຍແຮງໄດ້ເຂົ້າມາກວດສອບໃນພື້ນທີ່ແລ້ວ ແລະ ຫນ່ວຍດັບເພີງເມືອງເລສເຕີແຈ້ງວ່າສົ່ງລົດດັບເພີງໄປ 6ຄັນ ຫລັງຮັບແຈ້ງເຫດລະເບີດຮຸນແຮງ ແລະ ມີອາຄານພັງຖະຫລົ່ມ.
ຕຳຫລວດທ້ອງຖິ່ນລາຍງານວ່າ: ເຫດລະເບີດທີ່ເກີດຂື້ນຈະຕ້ອງມີການສອບສວນຮ່ວມກັບຫນ່ວຍດັບເພີງ ແຕ່ຈົນເຖິງຂະນະນີ້ບໍ່ພົບຫລັກຖານທີ່ບົ່ງຊີ້ວ່າເຫດລະເບີດກ່ຽວຂ້ອງກັບການກໍ່ການຮ້າຍຫຼືບໍ່.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment