(VOVWORLD) ຕາມຂໍ້ຕົກລົງຂອງບັນດາຝ່າຍທີ່ບັນລຸໄດ້ຢູ່ກອງປະຊຸມ ລັດຖະມົນຕີກະຊວງປ້ອງກັນປະເທດບັນດາປະເທດອາຊຽນ ຢ່າງບໍ່ເປັນທາງການຢູ່ສິງກະໂປ ໃນວັນທີ 06 ກຸມພາລັດຖະມົນຕີກະຊວງປ້ອງກັນປະເທດຂອງ 10 ປະເທດສະມາຊິກອາຊຽນ ແລະ ຈີນ ໄດ້ເຫັນດີດຳເນີນການຊ້ອມຮົບຮ່ວມໃນປີ 2018.
ຕາມບາງແຫຼ່ງຂ່າວແລ້ວ, 2 ຝ່າຍຈະດຳເນີນ “ການຊ້ອມຮົບຮ່ວມບົນທະເລ ອາຊຽນ - ຈີນ” (ASEAN – China Maritime Exercise) 2 ຄັ້ງໃນປີ 2018 ນີ້.
ຄາດວ່າ, ການຊ້ອມຮົບຄັ້ງທຳອິດຈະດຳເນີນຢູ່ບໍລິເວນທະເລຂອງຈີນ, ອາດແມ່ນໃນເດືອນ ຕຸລາ. ຄັ້ງທີ 2 ຈະດຳເນີນຢູ່ບໍລິເວນທະເລຂອງປະເທດສະມາຊິກອາຊຽນ ປະເທດໜຶ່ງ, ອາດຈະແມ່ນຟີລິບປິນ ໃນເດືອນ ພະຈິກ ຫຼື ເດືອນທັນວາ 2018.
ຕາມແຜນການແລ້ວ, 2 ຝ່າຍຈະດຳເນີນກອງປະຊຸມກະກຽມ 3 ຄັ້ງທັງຢູ່ສິງກະໂປ ແລະ ຈີນ ເພື່ອປຶກສາຫາລືກ່ຽວກັບວຽກງານກະກຽມໃຫ້ແຜນການດັ່ງກ່າວ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment