ສຳນັກຂ່າວຕ່າງປະເທດລາຍງານ 24 ກຸມພາ 2018 ວ່າ: ກະຊວງປ້ອງກັນປະເທດອັບການິດສະຖານ ອອກຖະແຫຼງການວ່າ ກຸ່ມຕາລີບັນບຸກໂຈມຕີຖານປະຈຳການແຫ່ງໜຶ່ງຂອງກອງທັບ ໃນແຂວງຟາຣາ ທາງພາກຕາເວັນຕົກຂອງປະເທດ ເມື່ອກາງເດິກຂອງວັນສຸກທີ່ຜ່ານມາ ສົ່ງຜົນໃຫ້ທະຫານເສຍຊີວິດຢ່າງໜ້ອຍ 18 ຄົນ ແລະ ໄດ້ຮັບບາດເຈັບອີກ 2 ຄົນ.
ຕໍ່ມາເມື່ອຕອນເຊົ້າຂອງວັນເສົາ (24 ກຸມພາ) ຕາມເວລາທ້ອງຖິ່ນ ເກີດເຫດຄົນຮ້າຍລະເບີດຂ້າຕົວຕາຍແຄມເສັ້ນທາງສາຍໜຶ່ງ ໃກ້ກັບທາງເຂົ້າສຳນັກງານໃຫຍ່ຂອງກອງກຳລັງປະສົມອົງການສົນທິສັນຍາອາກລັງຕິກເໜືອ (NATO) ໃນນະຄອນຫຼວງກາບູນ ເປັນເຫດໃຫ້ມີຜູ້ເສຍຊີວິດ 1 ຄົນ ແລະ ໄດ້ຮັບບາດເຈັບ 6 ຄົນ ຫຼັງເກີດເຫດກຸ່ມ IS ປະກາດຮັບວ່າເປັນຜູ້ລົງມື.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment