ເມື່ອກ່ອນເຫັນແຕ່ປະເທດອື່ນເປັນ ບັດນີ້ລະເປັນກັນເອງລະເດີ ເອື້ອຍລ້ຽງໂຫດເອົາລູກນ້ອຍໃຊ້ຄວາມຮຸນແຮງ, ເດັກນ້ອຍໆບໍ່ຮູ້ຈັກຫຍັງກໍ່ບາງຄັ້ງຕ້ອງເຈັບໂຕຍ້ອນຄົນທີ່ຖືກຈ້າງມາລ້ຽງ. ເບິ່ງຈາກຄຣິບແລ້ວກໍ່ບໍ່ເຖິງຂັ້ນປະເທດອື່ນເຂົາເຮັດດອກ ແຕ່ສຳລັບຫົວອົກຄົນເປັນແມ່ຄົງຮັບບໍ່ໄດ້ທີ່ໃຫ້ຄົນອື່ນມາເຮັດຮຸນແຮງຂະໜາດນີ້ ໃຫ້ກັບລູກທີ່ຮັກຍິ່ງກວ່າຊີວິດ.
ເອື້ອຍລ້ຽງຄົນນີ້ແມ່ນແມ່ເດັກຈ້າງມາລ້ຽງລູກໃນໄວ 8 ເດືອນຢູ່ເຮືອນ, ພໍດີແມ່ຕັ້ງກ້ອງວົງຈອນປິດໄວ້ຈິ່ງຈັບໄດ້ວ່າເອື້ອຍລ້ຽງເອົາລູກແບບໃດ ເບິ່ງແລ້ວກໍ່ບໍ່ຄັກໃຈປານໃດ ໜ້າເສຍດາຍບໍ່ໄດ້ຍິນສຽງ ແຕ່ຄົນທີ່ເອົາລູກກໍ່ປັດແອນ້ອຍຖີ້ມແຮງໆ ໂຍນແຮງບໍ່ສົນຈະເປັນແນວໃດ ບາງຄັ້ງອາດຈະແມ່ນເດັກໄຫ້ເພິ່ນໃຈຮ້າຍກໍ່ຈັບມາໂຍນໃສ່ລໍ້ສາ!!!ປະມານນີ້.
ຊຶ່ງເຈົ້າຂອງໂພສ ຊຶ່ງເປັນແມ່ຂອງເດັກນ້ອຍບອກວ່າ: ໂພສນີ້ແມ່ນເກີດກັບລູກຂ້າພະເຈົ້າເອງ..ອາຍຸລູກພຽງ8ເດືອນ ແລະຄິດໄຕ່ຕອງດີແລ້ວຈຶ່ງໂພສລົງເພື່ອເຕືອນສະຕິທຸກທ່ານທີ່ມີເອື້ອຍລ້ຽງ ແລະລູກນ້ອຍ...
ເພາະຂ້ອຍເອງຕ້ອງນັ່ງນ້ຳຕາໄຫລຕັ້ງແຕ່ເຫັນເຫດການຍັງບໍ່ຢຸດ....ຈິດໃຈຕອນນີ້ອ່ອນແອເກີນແກ້..
ຂ້ອຍເອົາເລື່ອງບໍ່ໄດ້ຍ້ອນເຫດຈຳເປັນທາງຄອບຄົວບາງຢ່າງ..ກະລຸນາເຂົ້າໃຈຫົວອົກແມ່ຄືກັນຖ້າຫາກໂພສນີ້ກ້າວກ່າຍບຸກຄົນໃດ....
ຢ່າງໃດກໍ່ດີການທີ່ຈະຮັບລ້ຽງລູກຄົນອື່ນຕ້ອງເຂົ້າໃຈວ່າເດັກນ້ອຍຕ້ອງໄຫ້ງໍແງຢູ່ແລ້ວ ເພາະເດັກຄືເດັກບໍ່ທັນຮູ້ຄວາມເຮົາຕ້ອງອົດທົນ ແລະຮັກເດັກແທ້ຈິ່ງຮັບລ້ຽງລູກໃຫ້ຄົນອື່ນ. ສ່ວນຜູ້ທີ່ເປັນແມ່ເດັກກໍ່ຕ້ອງທຳໃຈເລັກນ້ອຍວ່າການທີ່ເອົາລູກໃຫ້ຄົນອື່ນລ້ຽງຈະໃຫ້ເທົ່າກັບເຮົາກໍ່ເປັນໄປບໍ່ໄດ້ຢູ່ແລ້ວ ເຂົ້າໃຈວ່າແມ່ຈະຮ້າຍລູກໂຕເອງສ່ຳໃດບໍ່ເປັນຫຍັງແຕ່ຄົນອື່ນຮ້າຍແມ່ທົນບໍ່ໄດ້ ຫາກກໍລະນີຄວາມຮັກລະຫວ່າງແມ່ກັບລູກ ແລະລູກກັບຄົນອື່ນນັ້ນກໍ່ທຽບກັນບໍ່ໄດ້ເຊັ່ນກັນ. ແຕ່ຍຸກນີ້ບໍ່ແມ່ນເຮັດໄຮ່ເຮັດນາກິນ ແມ່ຕ້ອງເຮັດວຽກເຮັດງານຫາເງິນບໍ່ມີເວລາລ້ຽງລູກ ຈິ່ງມີເຫດການແບບນີ້ເກີດຂຶ້ນ.
https://www.facebook.com/latdavanh.munxayaphom/videos/pcb.2043577338992657/2043576335659424/?type=3&theater
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment