ຄະນະກຳມາທິ ການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ) ໄດ້ຈັດກອງປະຊຸມຄົບຄະນະຂຶ້ນໃນວັນທີ 26 ກຸມພາ 2018 ຢູ່ຫໍປະຊຸມແຫ່ງຊາດ ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກຳ ມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ, ມີບັນດາທ່ານຮອງປະ ທານ ແລະ ກຳມະການ ຄຊກມດ, ບັນດາກະຊວງ, ອົງການ, ແຂວງ ແລະ ນະຄອນຫລວງ ເຂົ້າຮ່ວມ 173 ທ່ານ.
ຈຸດປະສົງຂອງການຈັດງານໃນຄັ້ງນີ້, ເພື່ອເປັນການສະຫລຸບລາຍງານ ການຈັດຕັ້ງປະຕິບັດວຽກງານ ສົ່ງເສີມຄວາມກ້າວໜ້າຂອງແມ່ຍິງ, ຄວາມສະເໝີພາບຍິງ-ຊາຍ ແລະ ວຽກງານແມ່ ແລະ ເດັກ ປະ ຈຳປີ 2017 ແລະ ວາງທິດທາງແຜນການປີ 2018.
ກອງປະຊຸມໃນຄັ້ງນີ້, ຍັງໄດ້ຮັບຮອງເອົາການສະຫລຸບ ການຈັດຕັ້ງປະຕິບັດວຽກງານ ຄວາມສະເໝີພາບ ຍິງ-ຊາຍ ແລະ ວຽກງານແມ່-ເດັກ ປີ2017 ແລະ ທິດທາງ ປີ 2018, ພ້ອມທັງສືບຕໍ່ປັບປຸງ ກົງຈັກການຈັດຕັ້ງ ແລະ ການເຄື່ອນໄຫວວຽກງານຂອງຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ນັບແຕ່ສູນກາງລົງຮອດທ້ອງຖິ່ນ ໃຫ້ໄດ້ຮັບການປັບປຸງ ຢ່າງແທດເໝາະ ກັບສະພາບຕົວຈິງ ຂອງຂະແໜງການ ແລະ ທ້ອງຖິ່ນ, ຜັນຂະຫຍາຍ ແລະ ຈັດຕັ້ງປະຕິບັດວຽກງານ ເພື່ອຄວາມສະເໝີພາບຍິງ-ຊາຍ, ການສົ່ງເສີມ, ປົກປ້ອງສິດ ແລະ ຜົນປະໂຫຍດຂອງແມ່ ແລະ ເດັກ, ການລຶບລ້າງທຸກຮູບການຈຳແນກຕໍ່ແມ່ຍິງ ແລະ ສິດທິເດັກ ຫັນເຂົ້າເປັນແຜນການ, ແຜນງານ ແລະ ກິດຈະກຳເຄື່ອນໄຫວຕົວຈິງ ຂອງຂະແໜງການທັງສູນກາງ ແລະ ທ້ອງຖິ່ນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment